Popular Bible Verses from 1 Juan 3

Share

Kuyay wamräkuna, janan shonqullaqa ama kuyanakushuntsu, sinöqa imaypis yanapanakur rasunpa kuyanakushun.

Kuyakuq kanapaq Jesucristo noqantsik rayku wañunqanta tantiyakushun. Noqantsikpis kuyakuq karqa runa majintsik rayku wañunapaqpis listum kaykäshun.

¡Tantiyakuyay! ¡Dios Yayaqa alläpam kuyamantsik! Kuyamarnintsikmi <<wamräkunam kayanki>> nimantsik. Rasunpam wamrankuna kaykantsik. Peru wamrankuna kanqantsiktaqa mana creyikuqkuna manam tantiyayantsu. Dios Yayata mana reqirmi paykunaqa tantiyayantsu.

Jutsa rurayta mana dëjaq kaqqa diablupa poderninchömi kayan. Diabluqa kay patsa qallanqanpitam jutsata ruran. Diablu ruranqankunata ushakätsinanpaqmi Dios Yayapa Tsurin Jesucristo shamushqa.

Dios Yayapa wamran kaqkunaqa mananam jutsata rurayannatsu, sinöqa Dios Yaya munanqannönam kawayan. Dios Yayapa wamran karmi jutsa rurayta dëjayan.

Imantsikpis kaykaptin runa majintsik muchuychö kaykaqta mana yanaparqa manam Dios Yaya kuyakuq kanqannötsu kuyakuq kantsik.

Mandamientunkunata cumplirmi paywan kaykantsik y paypis noqantsikwan kaykan. Noqantsikwan pay kanqantam musyantsik kachamunqan Espíritu Santuta chaskishqa kar.

Pipis jutsata rurar runa majinta chikirqa manam Diospa wamrantsu, sinöqa diablupa wamranmi. Tsaynöpam musyantsik Diospa wamran pï kanqanta y diablupa wamran pï kanqantapis.

Juknin jukninwan kuyanakunapaq kanqantaqa unaypitanam musyantsik.

Kuyashqa wawqikuna y panikuna, musyantsikmi jutsa ruraq runakuna chikimanqantsikta.