Popular Bible Verses from MAKO 9

Share

Yesu amwambile ngwenyi, Ngwove, Kaci nge unahase! Vyuma vyosena vinahase kuli ou mwafwelela.

Linwomu vene ise yayauze mwana atetele, kahambile ngwenyi, Ngunafwelela vene. Acingukafweko omu ngwazeneka kufwelela.

Omu alingile hanengila lyehi muzuvo, tumbaji twenyi Vamwihwile kwauka wavo ngwavo, Ikaze twahonenangetu kumulovola? Avambile ngwenyi, Ava vangana kavexi kuhasa kulovoka nacuma cekako, kuvanga nakulomba kaha nakulitwamina kulya.

Mungwa uyema, oloze kaci nge mungwa unasamuka lyehi, namukauyemesa ceka naka? Pwenunga namungwa muli enu, kaha twamenunga mukuunda navakwenu.

Wose mwetavila mwana wamundende umwe nge ou halijina lyami nangwitavilAmi. Kaha wose mwangwitavilAmi kexi kungwitavilAmiko, oloze namwitavila Uze angutumine.

Mwomwo Wexowo mwakamihana lupasa lwameya akunwa mwomwo munapu muvatu jaKulixitu, Camwenemwene nangumilweza ngwami, kexi kukahona fweto yenyiko.

Oloze wose mwakalimbwisa umwe wakuli ava vavandende vakakufwelela kuli Ami, cinawahe kuli ikiye kaci vanamukaxilila lilolwa lyakucekesa unga lyalinene muxingo yenyi, nakumumbila mukalungalwiji.

Kaha kaci nge liso lyove lyeji kukulimbwisanga, litombongonyemo. Cinawahe kuli ove kwingila naliso limwe kaha muwangana waKalunga, kuhambakana kutwama nameso ove avali nakukumbila muNgehena