Popular Bible Verses from MAKO 6

Share

Avambile ngwenyi, Tuyenu kwauka wetu mupambo mukanoke cacindende. Mwomwo kwapwile vatu vavavulu, ava navaya ava naveza, ngoco kavamwene nahakulilako.

Oloze Yesu avambile ngwenyi, Kapolofweto kexi kumona kavumbi kumahyenyi namuli vausoko wenyi nakuzuvo yenyiko, xina kuvanga kweka kaha.

Yesu hakulovoka muwato amwene liyongomena lyalinene, kaha avevwilile keke, mwomwo vapwile nge mikoko vakuzeneka kafunga, xikaho. Kaha aputukile kuvanangula vyuma vyavivulu.

Kaha kahaxile kulinga vilinga vyangolo vimwe kuzeko, xina kunangika mavoko enyi hali vakakuviza vavandende kaha, nakuvahindula. Kaha alikomokelele mwomwo vakanyine kwitava. Kaha atambwojokelenga mumembo akujingulwisako nakunangula vatu.

Jize jimbolo jitanu navaze vaixi vavali avitambwile, kaha hakutala kwilu viwahixile, apuzwile jize jimbolo, ajihanyinenga kuli tumbaji twenyi, mangana vajitumbyejekenga kumeso avo, navaze vaixi vavali nawa avapangilile kuli vosena. Vosena valile, vekucile. Kaha vihanda vyajimbolo vavikungulwile, jimbango likumi najivali jato, nevi vyavaixi nawa.