Popular Bible Verses from MAKO 14

Share

Kahambile ngwenyi, Apa, Ove Tata, vyuma vyosena vinahase kuli Ove. Acingufumise lupaselu. Oloze kanda ulinga mwaya mucima wayAmiko, xina mwaya mucima wayOve kaha.

Tonenunga, lombenunga, kucina namwingila mukumyeseka. Xipilitu yamutu yinazange vene, oloze cisemwa cahamavu cinahehela.

Camwenemwene nangumilweza ngwami, Kwexokwo navakambulula mujimbu wamwaza kumafuci osena, neci nawa nalingi uno pwevo nawa navakacivuluka nakumwanukilaho.

Kaha himwavamba ngwenyi, Mwono wami uli nakulyonyinga cikumakuma, nge kufwa kaha. Salenu kuno, tonenunga.

Omu vapwile nakulya, Yesu anonele mbolo, ayiwahixile, ayipuzwile, avahanyineyo, avambile ngwenyi, Tambulenu, ou mujimba wami.

Anonele lupasa nawa, asakwililile, avahanyinelwo, kaha vosena vanwinemo. Avambile ngwenyi, Awa manyingami akuxikeci cacihya, akuhicisa hali vavavulu.

Kaha Yesu avambile ngwenyi, Enu muvosena namulimbuka, mwomwo vasoneka ngwavo, Kafunga nangukamuveta, kaha mikoko navakavapuzumuna.

Hindukenu, tuyenu, talenu, ou mwangusolola kuli vaka-kole ali hakamwihi.

Yesu himwamwamba ngwenyi, Camwenemwene nangukulweza ngwami, Lelo lino, ufuku uno, ximbu kanda ndemba ahanjike kavali, ove naunguhamikila katatu.