Popular Bible Verses from OBUCHACHILO 1

Share

Mana Nyasaye naboola ari, “Lekha khulonje omundu khwikondo liefwe, okhulondana nende okhufwana khwefwe. Mana babe nobunyali khutsinyeni nende khumanyonyi, nende khutsisolo, nende khubuli shindu eshimoolanga khusialo.” Kho Nyasaye nalonga omundu mwikondolie, ne mukhufwanakhwe nabalonga omusaatsa nende omukhasi.

Mana Nyasaye nabahelesia ikhabi, ne nababoolela ari, “Mwibulane nimumeetekha mana mwitsule khushialo nimushiruka. Mube nobunyali khutsinyeni, nende khumanyonyi, nende khubuli shindu eshichendanga khushialo.”

Mukhuchaaka, Nyasaye yalonga likulu nende eshialo.

Nashio eshialo shishialikhwo nobulonje bwosi bwosi tawe. Shiali butswa eshikhaya. Ne eshiilima shiafuunikha khulusiba lweinyanza. Naye Roho wa Nyasaye yali nabembanga khumaatsi ikulu.

Nyasaye nalaka ari, “Obulafu bubeho,” ne obulafu nibubaho.

Mana Nyasaye nalola mbu, buli shindu eshia yali nalonjile neshilayi muno. Nibwila, nibushia, eyo niyiba inyanga yakhasasaba.

Nyasaye nalola mbu, obulafu nobulayi. Mana Nyasaye niyahukhasia obulafu obwo okhurula khushiilima.

Khandi Nyasaye nababoolela ari, “Emuhelesiye inywe buli eshiraache, eshiamanga obufwa, eshili khushialo shiosi nende buli omusaala, okuli nobufwa mushiamo shiakwo. Emuhelesiye mbu, bibe ebienywe khulwa ebiokhulia.

Nyasaye nakulikha obulafu mbu, “Eshiteere,” nashio eshiilima mbu, “Eshilo.” Nibwila, nibushia, eyo niyiba inyanga yambeli.

Mana Nyasaye nalaka ari, “Lekha likulu libeho hakari wamaatsi, mana liahukhasie amaatsi okhurula khukandi.”

Natsio tsisolo tsiosi etsiokhushialo, nende khubuli linyonyi nende khubuli shindu eshimoolanga khwiloba nende khubuli shindu shiemiuya chiobulamu, ebihelesiye obunyasi nende emimela chiamasaafu chiosi mbu, bibe eshiokhulia shiabio.” Mana nikaba kario.

Nyasaye nalaka ari, “Lekha obulafu bube mwikulu, okhwahukhasia eshiteere okhurula khushilo, khandi okhumanyia shinga olwa tsinyanga, emiyika nende amasabo kokhukholela Nyasaye kachaaka.

Khandi Nyasaye nalaka ari, “Lekha liloba limelekhwo emimela, emisaala echiamangakhwo obufwa, nende echiebiamo biachio bilimwo obufwa. Buli mulala okhulondokhana nende imbia yakwo khushialo.” Kho nikaba kario.

Nyasaye nalonga likulu okhwahukhasia amaatsi, akali khushialo okhurula khukali mwikulu, ne nikaba kario.

Liloba nilimelakhwo emimela, chietsimbia tsiosi. Mana Nyasaye nalola mbu, nobulayi.

Mana Nyasaye nalonga ebindu bibili ebikhongo ebiobulafu. Eliuba liokhwakha eshiteere, nakwo omwesi okhwokhwakha mushilo. Khandi nalonga tsing'ining'ini.

Nyasaye nalaka ari, “Lekha amaatsi, akali hasi welikulu kekhung'asie habundu halala, mana eshibala eshiangalafu shibeho.” Kho nikaba kario. Nyasaye nakulikha eshibala eshiangalafu eshio mbu, “Eshialo,” ne habundu aha amaatsi kekhung'asia aho, nahakulikha mbu, “Inyanza.” Mana Nyasaye nalola mbu, nobulayi.

Nyasaye nabilaamila ikhabi, ne naboola ari, “Mwibulane nimumeetekha mana mwitsule mumaatsi komunyanza, nako amanyonyi kameeteshe khushialo.”

Nyasaye nalaka ari, “Lekha eshialo shibemwo tsisolo tsietsimbia tsiosi, etsiokhurukwa nende tsisolo nabulimo, tsikhoongo nende tsindiiti.” Kho nikaba kario.

Mana Nyasaye nalaka ari, “Lekha amaatsi akomunyanza ketsulemwo ebilonje ebili mwoyo, ebia tsimbia tsinyinji. Khandi nalonga amanyonyi aketsimbia tsiosi mbu, kapulushenje mwikulu.”

Khulweshio Nyasaye yabilonga biosi, ne nalola mbu, biosi nebilayi.