Popular Bible Verses from MARIKO 6

Share

Mana Yesu naboolela abeechibe ari, “Chende khutsie habundu aha abandu balali ta muhulushekhwo hatutu.” Yaboola ario shichila abandu abetsangaho nibatsia bali abanji muno, kata Yesu nende abechebe shibaalikhwo nobwiyangu bwokhulia tawe.

Naye Yesu nababoolela ari, “Omulakusi shiabulanga oluyali ta, okhuyiniakhwo abomushialoshie, aboluyialwe nende abomunzu yabwe beene nibo abalamuhelesinjia oluyali tawe.”

Ne olwa Yesu yarula muliaro yalola omukanda kwabandu omukhongo ne nabalolela tsimbabasi, shichila bali shinga amakondi akabula omwayi. Kho nachaaka okhubechesia amakhuwa amanji.

Ne shiyakholakhwo eshiamakana eshikhongo yaho tawe. Habula yara emikhonochie khubalwale nabo nibahona. Kho nahuka muno khulwa obulasuubila bwabwe mu Nyasaye. Mana Yesu natsia mumataala kalondokhane niyechesinjia abandu.

Ne Yesu nabukula emikaate chirano echio nende tsinyeni tsibili etsio, nahenga hekulu mwikulu, nabisabila tsikhabi. Kho nasonyola emikaate echio nahelesia abeechibe okhukabila abandu. Khandi nasonyola tsinyeni tsibili etsio nabakabila boosi. Mana boosi nibalia nibekura. Kho abeechibe nibakhung'asia ebisonye biemikaate nende ebietsinyeni ebiali nibitoonyile, nibitsula ebimwelo ekhumi nabibili.