Popular Bible Verses from YOHANA 10

Share

Omwifi yetsanga khulwa okhwiba, okhwira nende okhusasia khwonyene. Isie ndetsa mbu, munyoole obulamu, khandi mube ninabwo mubwitsulu.

“Isie nisie omwayi omulayi. Omwayi omulayi ahaananga obulamubwe khulwa amakondike.

Amakondi kanje karecheresinjia omwoyo kwanje, nasi ekamanyile, nako kanondangakhwo.

Ekahelesinjia obulamu bweinziayo, ne shikalifwa tawe. Shialiho kata mulala ounyala okhuunuula yatsia ninako tawe.

Isie nisie eshilibwa shiamakondi. Omundu yesi yesi owitsa nabirira khwisie, alahonibwa, alenjila khandi alarula, khandi alanyoola obwayilo.

Isie nisie omwayi omulayi. Ndamanya amakondi kanje, nako kamanya isie

Papa wanje, owambelesia amakondi ako koosi nomukhongo okhushila boosi. Ne shialiho kata mulala ounyala okhukabukula okhurula mubulindi bwa Papa wanje tawe. Papa ninasi, khuli eshindu shilala.”

shinga olwa Papa yamanya isie, ne nasi nimumanya Papa, nolwa amakondi kanje koosi kamanya isie, kho ndalahana obulamu bwanje khulwa amakondi ako.

Abulaho omundu ounyala okhuurusiakhwo obulamu bwanje tawe. Ebuhaana mukhwenya khwanje omwene. Endi nobunyali bwokhubuhaana, khandi endi nobunyali bwokhububukula. Kano niko aka Papa wanje yandachilisia okhukhola.”

Mana Yesu nababoolela khandi ari, “Emuboolela toto mbu, isie nisie eshilibwa shiamakondi.

Nebutswa omwayi womurungo, oulali mwene amakondi ta, olwa alola lifunyisi niliitsanga yelukhanga nalekha amakondi, mana lifunyisi elo likakwakhwo nende okhukasalaasia.

Yesu naboola ari, “Emuboolela toto mbu, omundu oulenjilila mushilibwa shieikhoonje yamakondi ta, ne naniina niyenjilila haundi, nomwifi khandi omunuuli.