Popular Bible Verses from Mathayo 5

Share

Kamano bende, ji ok mok taya bangʼe giume gi bakul. Kar timo kamano to gikete ewi rachungi taya kendo ochiwo ler ne ji duto mantiere ei ot. Un bende timuru kamano. Neuru ni ler maru rieny e dier ji, mondo gine timbeu mabeyo kendo gipak Wuonu manie polo.

“Un e ler mar piny. Dala matin moger ewi thur ok nyal pandi.

Jomaler gie chunygi gin joma ogwedhi, nimar ginine Nyasaye.

Ogwedh jogo makech kayo kendo riyo mar tim makare oloyo, nimar gibiro yiengʼ.

Anto awachonu kama: Heruru wasiku kendo lamuru ne joma sandou

“Joma odhier gie chunygi gin joma ogwedhi, nimar pinyruodh polo en margi.

Joma kelo kwe gin joma ogwedhi, nimar noluong-gi ni nyithind Nyasaye.

Joma ywak gin joma ogwedhi, nimar ibiro hoyogi.

Joma isando nikech tim makare gin joma ogwedhi, nimar pinyruodh polo en margi.

Joma kecho ji gin joma ogwedhi, nimar ibiro kechgi.

“Un joma ogwedhi ka ji yanyou kendo sandou kendo hangonu wach ni usetimo kit gik maricho duto nikech an. Beduru mamor kendo moil, nikech poku duongʼ e polo, nimar jonabi mane okwongonu bende negisando mana kamano.”

Joma muol gin joma ogwedhi nimar piny nobed girkeni margi.

“Un e chumbi mar piny. To chumbi ka ndhathe orumo, to ere kaka dimiye obed gi ndhathe kendo? Koro onge konyruok mokelo, makmana ni ipuke oko kendo ji nyone piny gi tiendegi.

Kuom mano, beduru malongʼo chuth mana kaka Wuonu manie polo longʼo chuth.

Neuru ni ‘Ee maru’ obedo ‘Ee,’ kendo ‘Ooyo’ obedo ‘Ooyo.’ Gimoro amora mopogore gimaa en gima oa kuom ngʼat marach.

“Usewinjo ni nowachi ni, ‘Wangʼ kar wangʼ kendo lak kar lak.’ Anto anyisou ni kik utam ngʼat marach timo gima odwaro timo. Ka ngʼato othalo lembi ma korachwich to lokne komachielo bende

Ka wangʼi ma korachwich miyo itimo richo to lodhe oko kendo iwite. Ber moloyo ka iwito fuon-ni achiel mar ringri moloyo ka ringri duto owiti e gehena. Kamano bende ka lweti ma korachwich miyo itimo richo, to ngʼade oko iwite. Ber moloyo ka iwito fuon-ni achiel moloyo ka ringri duto odhi e gehena.