Popular Bible Verses from MATTHE 5

Share

Mei m’däi netah a u naw dawn awn kä uk man ci. Im kyong ah chang avan adei vai ah lung k’pei ung vah mei m’däi man ci gui. Acun ah mäih ah chang gui naw akni ah nami om cu ning teng gui u ne, khankho ah om ciah nami Pa cu ami m’hlüngtai vai ah, chang gui ah ma ah nami dei nak cu va deikhang sak vä.

Nangmi cu m’dek khan avan ung akdei ah mäih ah nami kyak ci. M’Htung lai ah k’süm ah pigaw cu a i naw kä shung hlawt ci.

“Am lung kyong theingthap ci gui yeikyai vä; Nangmi naw Khanpughi nami hmuk khai!

“Khanpughi ah ng’yak hlü ah bilo hlük ciah chang gui yeikyai vä; Nangmi cu Khanpughi naw nami ng’yak hlü ning k’be sak gui khai!

Cun ung phi nami gaa nami m’hni vai, ning shedam nah gui ci nami taigü peit vai, ciah kei naw ka pyein ci.

“Mumcha geinvai ah mawng hmat ciah chang gui yeikyai vä; Khankho cu nangmi ah kho ah kyak ci!

“Dimdeeih nak bik ci gui yeikyai vä; Khanpughi naw a hta ah ning khü gui khai!

“Am lung thüisei ci gui yeikyai vä; Khanpughi naw m’lung üp nak ning pe gui khai.

“Khanpughi ah düng nak abi nak awn, Shedam nak gah ciah chang gui yeikyai vä; Khankho cu nangmi ah kho ah kyak khai!

“M’geinsei nak om ciah chang gui yeikyai vä; Nangmi cu Khanpughi naw ning m’geinsei gui khai

“Kei ah hmawk ah chang gui naw ning shedam na gui ne, käng düng ci awn a hlü hlü ah a ning m’kat law gui ung, nangmi cu yeikyai nak om sä, nangmi cu kei na läk ciah nami kyak ci nei. Zeikiai ne lünlawi vä, khankho ah nangmi ah gah vai ah m’cümhnah nak cu däm aih ci nei. Caü profet gui phi acun ah mäih ah shedam nak gah pyi ci gui nei.

“Am lung hnip ne a om nik ciah chang gui yeikyai vä; Nangmi ung Khanpughi ah shaitaak cu kümbe khai!

Nangmi cu chang nüng ah hmawk ah m’shii ah mäih ah nami kyak ci. M’shii cu atui a maih kawn ah tui ba khai ah kä pyan ba hlawt nei. Kä ei mang ba phia sei, k’tai ah ghawh ung chang gui naw kai nak ci gui.

Khankho ah nami Pa akümbe ah mäih ah nangmi phi nami kümbe vai nei.

Akcang la kä akcang cu düngnak awn nami pyein vai, cun ah kawn ah nami ng’thu cu khoshe ah ning thu sak gui ah kyak ci.

‘Mik ah hmawk ah mik, ha ah hmawk ah ha,’ ciah thukhän cu nami ng’ya pyii ci. Cun ung phi nangmi ning kat na gui ciah chang ah khan ah phu kä nami tuk vai, cine kei naw ka pyein ci. Nak pat lam nang being ami ning k’beeih ung, nak eng lam nang being mä nacun ba vai.

Nakpat lam ah na mik naw a ning hmühma sak ung, acun ah mik cu kawih ne na ghawh vai, na pumsa avan m’hteimei ung a luh ah k’dam ah na mik vangtäng am dauh cu bä tu ba khai. Nak pat lam na kut naw a ning hmühma sak ung, cun ah kut cu tupit ne na ghawh vai. Na pumsa avan m’hteimei ung a luh ah k’dam ah na kut vangtäng a pit cu bä tu ba khai.