Popular Bible Verses from 1 JUAN 2

Share

Cai pachatapish, cai pachapi ima tiyashcacunatapish ama cuyaichicchu. Maijanpish cai pachapaclla caccunata cuyacca, Diostaca mana cuyanchu. Tucui cai pachapi tiyac millai munaicunapish, tucui ricushcata charina munaicunapish, charishcacunahuan jatun tucuna munaicunapish mana Diosmantachu shamun, ashtahuanpish cai pachallami chai munaicunataca cun.

Cai pachaca tucui ima tiyashca millai munaicunandimi chingaringa, ashtahuanpish Dios munashcata ruhuacca huiñaitami causanga.

Maijanpish Dios-huan shucllami cani nishpaca, Jesucristo causashca shinallatacmi causana can.

Ñuca cuyashca huahuacuna, cancuna ama juchallichunmi caicunataca quillcani. Shina cacpipish maijan juchallishpaca, Dios-huan rimactami charinchic. Paica imatapish cashcata ruhuac Jesucristomi.

Maijanpish «ñucaca paita ricsinimi» nishpapish, Dios mandashcacunata mana pactachishpaca llullami can. Shina cacpimi paipac shungupica imatapish cashcata ruhuashpa causana yuyaica mana tiyan.

Diospac mandashcacunata pactachishpaca, paita ricsishcatami yachanchic.

Maijanpish ñucaca achic luzpimi cani nishpapish huauquita piñashpaca, amsapirami causacun.

Maijanpish “Jesusca mana Quishpichic Cristochu” nicmi, llullashpa huillacca. Cristota piñacca Diostapish, Diospac Churitapish mana cricmi can.

Maijanpish “Cristoca mana Diospac Churichu” nicca mana Dios-huanchu, ashtahuanpish “Jesusca Diospac Churimi” nishpa huillacmi, Dios-huanca can.