Popular Bible Verses from MATTHEW 5

Share

Owo inyuŋ idomoke utuenikaŋ ida abaŋ ifuk, edi owuk ke uwuk-utuenikaŋ; ntem ke uŋwana ayama ɔnɔ kpukpru owo eke edude ke ufɔk. Kpa ntre yak uŋwana mbufo ayama ke iso owo, man mmɔ ekut nti utom mbufo, enyuŋ etoro Ete mbufo emi odude ke Heaven.

Mbufo edi uŋwana ererimbot. Obio eke ebɔpde ke enyɔŋ obot ikemeke ndidibe.

Ɔfɔfɔn ɔnɔ mmɔ eke esit mmo asanade: koro mmɔ eyekut Abasi.

Ɔfɔfɔn ɔnɔ mmɔ eke ekopde biɔŋ ye nsat-itɔŋ edinen ido: koro mmɔ eyeyuhɔ.

Edi Ami ndɔhɔ mbufo nte, ema mme asua mbufo enyuŋ ebɔŋ akam eyom ufɔn mmɔ eke enamde mbufo isin-enyin

Ɔfɔfɔn ɔnɔ mmɔ eke ebuenede ke spirit: koro Obio Ubɔŋ Heaven enyene mmɔ.

Ɔfɔfɔn ɔnɔ mme anam emem: koro eyekot mmɔ nditɔ Abasi.

Ɔfɔfɔn ɔnɔ mmɔ eke etuaŋade: koro eyedɔŋ mmɔ esit.

Ɔfɔfɔn ɔnɔ mmɔ eke owo ekɔbɔde mmɔ kabaŋa edinen ido: koro Obio Ubɔŋ Heaven enyene mmɔ.

Ɔfɔfɔn ɔnɔ mmɔ eke etuade owo mbɔm: koro eyetua mmɔ mbɔm.

Ɔfɔfɔn ɔnɔ mbufo ke adaŋemi owo edisuŋide mbufo, enyuŋ enam mbufo isin-enyin, enyuŋ etiŋ kpukpru oruk idiɔk-ŋkpɔ ke nsu edian mbufo kabaŋa Mi. Edaresit, edara eti-eti: koro utip mbufo ke Heaven omokpon: koro kpa ntre ke mmɔ ekanam mme prophet emi ebemde mbufo iso edu isin enyin.

Ɔfɔfɔn ɔnɔ mmɔ eke enyenede ifure-ifure ido: koro mmɔ eyeda isɔŋ enyene.

Mbufo edi inuŋ isɔŋ: edi inuŋ ama akabare adaba, edida nso enam enye enyene inem? ifɔnke aba ke baba ŋkpɔ kiet, ibɔhɔke nditop nduɔk, owo ndidigi ke ukot.

Mbufo efɔn ema ndien, kpa nte Ete mbufo ke heaven ɔfɔnde ama.

Edi yak ikɔ mbufo edi; Edi ntre, ye, Idige ntre: koro se ibede oro oto ke andidiɔk.

Mbufo emekop ete ekɔnɔ owo uyo, ete, Enyin ke usiene enyin, ye edet ke usiene edet. Edi Ami ndɔhɔ mbufo nte, Ekuŋwana ye anam-idiɔk: edi owo ama oyibi fi ke mfuk nnasia, kabare mfuk eken nɔ enye.

Edi edieke enyin nnasia fo esinde fi ɔduɔ, wubere enye, top, duɔk: koro ɔfɔn ye afo ubak idem fo nditak utu ke ndikpɔduɔk fi ofuri idem ke hell. Onyuŋ edieke ubɔk nasia fo esinde fi ɔduɔ, sibe enye, top, duɔk: koro ɔfɔn ye afo ubak idem kiet nditak utu ke ndikpesin fi ofuri idem ke hell.