Popular Bible Verses from 1 TIMOTHY 4

Share

Bapt masma s-ap hab wo e junihid ch s-ap wo neokad. T pi hedai pad has wo m-elidad map d wabsh wechij hemajkam. Ab g si pihk e elidad wehs ha wui ch wo si e nuhkudad ch pi hab wo junihid g pi apꞌekam. T hab wo e chehgidahid g em-wohochudadag.

S-apꞌe mapt wo e momoisha k wo s-gewkk. K wabshaba ab him g tash mat wo huhug ihda. K heg hekai baꞌich i s-apꞌe mapt wo i e gewkai am e-wohochudadag ed. Id o ab m-mahkch g s-apꞌekam doakag idani ch imhab i baꞌich.

Si g s-e nenꞌoid map has e junihim ch haschu ha mashcham k hekaj pi wabsh wo heki wua g e-doakag. T hegam mat ab wo m-kaiha hab waꞌap pi wo heki wua g e-dodakag.

Si o tasho am i ni-tashogid g Hekia S-apꞌekam Gewkdag mat ab wo i e ai g tash mat muꞌi wo dagito g e-wohochudadag. Haꞌi at wo ha mashcha g iattogi nat pi g jijawul wo i ha wahmud. T muꞌi hemajkam ab wo ha wohog el.

Pi g am hab masma hekaj g hohoꞌoki aꞌagida mas d Jiosh haꞌichu ahga. Pi at hab wo em-juh mamt wo s-aꞌapꞌek am Jiosh nena ed. Am apt wo si e mashchamad mapt am hab wo junihid s-apꞌekam himdag.

Am g i e nakog mapt am wo wa neꞌokchulidad g Jiosh haꞌichu ahga am ha-namki ed ch wo ha mashchamad ch am wo i ha gewkemhunad.