Popular Bible Verses from MATAIO 2

Share

Go eu rumai paki ekopu ni nasum̃a po punusi piakiki vusavusa go p̃ilana Maria; go eu dowo pakitano po lotu ki nia; go eu p̃olagati bokes adeada maga po dua e navituaana maga, kold go libano go murra.

Go ragi waina Yesu e pakilina Bethlehem ni Yudea naaleatia maga ki Herod nawota, kuga leo, makoi seara eu pae ist umai paki Yerusalem, eu naga, Tea waina e po pakilina Nawota ki naka ni Yudea wai? Nalakena au punusi m̃asoe kakana ist, go au po umai naga auga lotu ki nia.

Go ragi waina eu punusi m̃asoe, eu laelaea ki nalaelaeaana warua liu.

Go nalakena eu pei tea vasakorokoroana pae nap̃erea sikai naga euga ta liliu pa punusi Herod mau, eu pae napua p̃ota sikai po m̃elu paki navanua adeada pano. Go ragi waina nara eu m̃elu pano sua, kuga leo, agelo sikai ki Yehovah e pakilina ki Yosef nap̃erea sikai, po naga, P̃a tuleana po piragi lua piakiki vusavusa go p̃ilana, go p̃a sava paki Ityipt pano, go p̃a toko asa doko pa pa aga wo noa ki‐go: nalakena Herod ega wo laaga piakiki vusavusa naga ega mari punue a.