Popular Bible Verses from JOHANESE 12

Share

Yo a ratago go ntlhankela, a ntatele, gomme ka ge e le mohlanka wa ka, mo ke lego gona le yena o tla ba gona. Ge motho a ntlhankela Tate o tla mo godiša.”

Yo a ithatago go feta ka mo a ratago nna, o tla lahlega; eupša yo a sa ithatego mo lefaseng go feta ka mo a ratago nna, yena o tla ba le bophelo bjo bo sa felego.

Ruri, ruri, ke le botša gore ge thoro ya lebele e ka se re go lahlelwa ka mobung ya hwa, e tla no šima e le tee. Fela ge e ka hwa e tla tšwa dithoro tše dintši.

Ke tlile mo lefaseng ke le seetša, gore mang le mang yo a dumelago go nna a se ke a dula leswiswing.

Ge motho a ka re a kwele tše ke di boletšego a se di phethe, nna nka se mo tšwe, gobane ga se ka tlela go tšwa batho ba lefase, ke tletše go ba phološa.

Ke ge Maria a ntšha sedibelo sa senkgabose se se sego sa tswakwa sa theko ye kgolo sa narete, a tšhela Jesu maoto ka sona, a mo phumola ka moriri. Ntlo yohle ya tlala monkgo wa senkgabose seo.

Ke moka ba rema makala a mepalema ba ya go mo gahlanetša, ba phepela ba re: “A go tumišwe Modimo! A go retwe yo a tlago a romilwe ke Morena! A go retwe yena Kgoši ya Israele!”

Ke ge Jesu a ba fetola a re: “Bjale nako ya gore letago la Morwamotho le bonagale e fihlile.