Popular Bible Verses from 1 JOHANESE 5

Share

Re ka ya go Modimo re sa šie, ka ge re tseba gore ge re mo kgopela go ya ka thato ya gagwe o a re kwa.

Ka ge re tseba gore ka mehla ge re mo kgopela selo o a re kwa, re tseba gore se re mo kgopelago sona o a re fa.

Gobane go rata Modimo ke go phetha ditaelo tša gagwe, gomme ditaelo tša gagwe ga di boima, gobane ngwana yo mongwe le yo mongwe wa Modimo o fenya lefase. Gomme se re fenyago lefase ka sona ke tumelo ya rena.

Yo a nago le Morwa wa Modimo o na le bophelo bjo; yo a se nago le yena ga a na le bjona.

Lena le dumelago go Morwa wa Modimo ke le ngwaletše ditaba tše gore le tsebe gore le na le bophelo bjo bo sa felego.

Re a tseba gore ga go ngwana wa Modimo yo a ka nogo tšwela pele le go dira dibe, gobane Morwa wa Modimo o a mo lota, gomme Rabobe a ka se mo dire selo.