Popular Bible Verses from 1 JOHANESE 3

Share

Bana ba ka, lerato la rena a e se be la molomo, a e be la mmannete, le le ipontšhago ka mediro.

Se re tsebago lerato e le sona ke ge Kriste a gafile bophelo bja gagwe ka lebaka la rena. Ka gona, le rena re swanetše go gafa bja rena bophelo ka lebaka la bana ba borena.

Bonang gore ke lerato le lekaakang le Modimo Tate a re ratilego ka lona mo re bilego re bitšwa bana ba gagwe, gomme ka kgonthe re bona. Ke ka lebaka leo lefase le sa re tsebego, gobane ga se la ka la tseba Modimo.

Yo a phelago dibeng ke wa Diabolose, ka gobane Diabolose e sa le a tloga a dira dibe go tloga mathomong a lefase. Se Morwa wa Modimo a bego a se tletše ke go fediša tše di bego di dirilwe ke Diabolose.

Mang le mang yo e lego ngwana wa Modimo ga a phele a dira sebe, gobane o na le bophelo bja Modimo; le gona, ka ge e le ngwana wa Modimo, a ka se kgone go phela a dira sebe.

Ge mohumi a ka re a bona ngwanabo a hloka a se mo šetše, na a ka re o rata Modimo?

Yo a phethago ditaelo tša gagwe o dula e le o tee le Modimo, le Modimo o dula e le o tee le yena. Gomme ka Moya wo Modimo a re filego wona, re tseba ge Modimo a dula e le o tee le rena.

Se bana ba Modimo le bana ba Diabolose ba bonalago ka sona sese: motho yo a sa dirego tše di lokilego goba a sa ratego mongwekayena, ga se ngwana wa Modimo.

Molaetša wo le o boditšwego go tloga mathomong ke wa go re re rataneng.

Bjale ge, banabešo, le se makale ge batho ba lefase ba le hloile.