Popular Bible Verses from UMÁTIYU 9

Share

Anɔ́ɔ ó da ayíkpó kú nū kahíníī, “Ɔdɛ̄hɔ̄ ā nwuné nɛ̄hi, amáŋ ācoyúklɔ́ ā í lɛ ɛwa ŋ́. Ohígbū ɔ́ɔmā ā aá gbɔ̄ɔkɔ lɛ Óndú kú ɔdɛ̄hɔ̄ ā, cɛ́ɛ́ kóō lɛ ācoyúklɔ́ alɛwa tū ga ipú ɛhɔ̄ ā kéē cē ɔdɛ̄hɔ̄ kú nū.”

Aá nyɔ̄ ká aá gaá dɔɔ̄kā ɛyí kú ɛlā nɛ̄ ɔkpá kú ɛlɔ̄ɔwɔicō ka ka, ‘Eyīnyinyi nɛ̄ n tíne á, ó wɛ ɛbɛ́ ō le gwɛ́ɛya ŋ́.’ Ń wā gaá hī ācɛ olɔhi igwú ŋ́, amáŋ ācobīyíne kéē pīyabɔ̄.”

Eko nōó má ɛwa āa, é le tū ɔ̄ eyīnyinyi ohígbū keé bá ī móōwē, í klla má otábɔ̄ dúúmā ŋ́. É lɛbɛ̄ɛka aálá nēé lɛ ɔ̄cɛ ogbō uwā ŋ́ mā ā.

Eko nɛ̄ Ujísɔ̄si le ɛlā nēé ka ā pó ā, ó tá uwā ohi kahíníī, “Ācɛ nēe lɔfú iyē ā í cɛgbá obócí ŋ́, amáŋ ācɛ o doōcē ā cɛgbá obócí á.

Ujísɔ̄si yɔ̄ gē yɛ aígelī nɛ̄hi mɛ́mla aípɔ́lɛ́ dóódu, yɔ̄ gē nwɛ̄lā ipú aɛ́gogbɔ̄ɔkɔ kú uwā. Ó kla gē tɔ́ɔna kú ɔ̄kōolɔhi kú ajɔ̄ɔ̄cɛ́ ā. Ó kē yɔ̄ gē hɛ́ ācɛ nēe gē du ɛdɔ ōcē dóódu mla ɔ́fú dóódu tá.