Popular Bible Verses from Matius 14

Share

Keskyede kyoat a Petrus iatos ma besanare lan, ode eskwe mety bonyo imtaut, ma khyury ma yala ma tyemar ei tasike kralake. Dendye byoran ma byohe, “Ebo, muboli yaw aduk!” Lemade samlurkwe bonyo, Yesuske yeta simake ti kyumak a Petrus, ode tyanuk ti i ma byohe, “Hei, kyanmwane wasimw tohtohakke lema malkyakaw, ma kihury ma mumtaut ne de?”

Keskyede kyoat a Petrus iatos ma besanare lan, ode eskwe mety bonyo imtaut, ma khyury ma yala ma tyemar ei tasike kralake. Dendye byoran ma byohe, “Ebo, muboli yaw aduk!”

Keskyede samlurkwe bonyo, Yesuske tyanuk ti sir ma byohe, “Hei, mamwaw e! Kete mimtaut! Kali Yaw ne.”

Dendye Petrus a yatela ma hyalas Yesuske ma byohe, “Ebo, kolnye Oi ne bain mo, maso yaw ma klwakut ti tasike khaha ne dakun ma ti kait a O.” Lemade Yesuske byu ti Petrus de byohe, “Mmwa nde!” Dendye Petrus a yorw toha aroke, ma lyakut ti tasike khahake ma bya ti yait Yesuske.

Ode Yesuske wasi matoha I mamin ti aroke krala desike, rsakitil ode rou ti Yesuske, ma rtanuk de rbohe, “Mlay bain! Oi neke Hulasokwe Anan a O.”

Keskyede Yesuske tyanuk ti wasi matoha Iare ma byohe, “Lema koldyesy! De musti mo ei neke myal kotw ti iry nekre ma ra.” Desike bonyo wasi matoha Iare rhalas I de rbohe, “Amam Lan O! Mane ara hinamy a rotkye enasim ode maskye enaru bo.”

Lemade Yesuske byohe, “Desikemo myety kotw desikre ma katos aduk.” Yesuske iatos kotw desikre bonyo, yaso iry ribun lan desikre ma rtaklulw a tnyei na khahanare ti desy. Ode yal a roty desim desy ktyabal masy deru desy, maktei o yatnyarak ei laitke ode syalak eraske ba ti Hulasokwe ti khyali kotw desikre. Maktei bonyo byini-byiny a roty o masy desikre, ode yeta ti wasi matoha Iare ma rasakar ti ribun lan desikre

ma raktemtem a ra nini rbesur, ma kteranare kimin a nggora. Dendye Yesuske wasi matoha Iare rili rahuk roty o masy ktera desikre, desikeo kbyenw a kolakye hean a kresi enaru.