Popular Bible Verses from MATTEW 24

Share

Joktor il-ħażen, u għalhekk l-imħabba tibred f’ħafna. Imma min jibqa’ jżomm sħiħ sal-aħħar, dan isalva.

Dan l-Evanġelju tas-Saltna jixxandar fid-dinja kollha, biex il-ġnus kollha jkollhom xhieda. Imbagħad jiġi t-tmiem.

Għad tisimgħu min jitkellem fuq gwerer u xnigħat ta’ gwerer. Iftħu għajnejkom u titħawdu xejn, għax dan jeħtieġ li jiġri, imma għadu mhuwiex it-tmiem.

Għax għad iqum ġens kontra ġens u saltna kontra saltna, ikun hawn ġuħ kbir, u l-art titheżheż f’ħafna bnadi. Dan kollu jkun il-bidu ta’ tbatija kbira.

Is-sema u l-art jgħaddu, imma kliemi ma jgħaddix.

Għax għad jiġu ħafna f’ismi u jgħidu ‘Jien hu l-Messija,’ u jqarrqu b’ħafna nies.

Imbagħad jagħtukom f’idejn min iħabbatkom u joqtolkom; u l-ġnus kollha jsiru jobogħdukom minħabba f’ismi. U jkun hemm ħafna li jitfixklu, li jittradixxu lil xulxin u jinbagħdu bejniethom. Iqumu bosta profeti foloz u jqarrqu b’ħafna nies.

U Ġesù weġibhom: “Araw li ħadd ma jqarraq bikom.

Mela kunu lesti intom ukoll, għax qatt ma tistgħu tobsru s-siegħa li fiha jiġi Bin il-bniedem.

Ishru, mela, għax ma tafuhx il-jum li fih jiġi Sidkom.

“Dwar dak il-jum u s-siegħa ħadd ma jaf xejn meta se jaslu, la l-anġli tas-sema u lanqas l-Iben; ħadd ħlief il-Missier waħdu.

Għax għad iqumu ħafna messijiet foloz u profeti foloz, u jibdew jagħmlu sinjali kbar u għeġubijiet biex iqarrqu, jekk jista’ jkun, imqar bil-maħturin.

Bħal fi żmien Noè, hekk tkun il-miġja ta’ Bin il-bniedem. Għax kif fiż-żmien ta’ qabel id-dilluvju kienu jieklu u jixorbu, jiżżewġu u jżewġu sa dak inhar li Noè daħal fl-arka, u b’xejn ma ntebħu sa ma wasal id-dilluvju u ġarr lil kulħadd, hekk tkun il-miġja ta’ Bin il-bniedem.