Popular Bible Verses from လံာ်မးသဲ 7

Share

ဃ့တၢ်လၢယွၤတက့ၢ်ဒီးသုကဒိးန့ၢ်ဘၣ်လီၤ. ဃုတၢ်တက့ၢ်ဒီးသုကထံၣ်န့ၢ်တၢ်လီၤ. ဒိတကျိာ်တၢ်တက့ၢ် ဒီးယွၤကအိးထီၣ်န့ၢ်တၢ်လၢသုဂီၢ်လီၤ.

အဂ့ၢ်ဒ်အံၤပှၤကိးဂၤဒဲးလၢအဃ့တၢ်လၢယွၤန့ၣ်ကဒိးန့ၢ်ဝဲ, ဒီးပှၤတဂၤဂ့ၤတဂၤဂ့ၤလၢအဃုတၢ်န့ၣ်ကထံၣ်န့ၢ်ဝဲ, ဒီးယွၤကအိးထီၣ်န့ၢ်တြဲၤလၢပှၤတဂၤလၢ်လၢ်လၢအဒိတကျိာ် တၢ်အဂီၢ်လီၤ.

လၢတၢ်န့ၣ်အဃိ, ပှၤတဂၤလၢ်လၢ်လၢအနၢ်ဟူ ယတၢ်ကတိၤတဖၣ်အံၤဒီးစူၢ်ဝဲန့ၣ်, လီၤဂာ်ဒ်ပှၤကူၣ်ဘၣ်ကူၣ်သ့လၢ အဘှီထီၣ်အဟံၣ်လၢလၢၢ်အလိၤအသိးန့ၣ်လီၤ.

ဒ်နဆၢလၢပှၤဂၤကမၤနၤအသိးန့ၣ်, မၤအီၤဒ်န့ၣ်အသိးတက့ၢ်. အအံၤမ့ၢ်စီၤမိၤၡ့အတၢ်သိၣ်တၢ်သီ ဒီးဝံတဖၣ်အတၢ်သိၣ်လီၤသီလီၤတဖၣ်အခီပညီန့ၣ်လီၤ.

ဘၣ်ဆၣ်ဒီး, ကျဲစၢၤလၢအအိးထီၣ်အသးဆူတၢ်မူန့ၣ်အံၣ်ဝဲ, ဒီးကျဲလၢအဆှၢပှၤဆူတၢ်မူန့ၣ်ကီခဲမးဒီးပှၤလၢအထံၣ်န့ၢ်အီၤ အိၣ်ဝဲစှၤဂၤလီၤ.

လဲၤနုာ်သုဝဲခီဖျိကျဲစၢၤလၢအအံၣ်တက့ၢ်. အဂ့ၢ်ဒ်အံၤ, ကျဲစၢၤလၢအအိးထီၣ်အသးဆူ တၢ်ဟးဂူာ်ဟးဂီၤန့ၣ်လဲၢ်ဝဲ, ဒီးကျဲလၢအဆှၢပှၤဆူတၢ်ဟးဂူာ်ဟးဂီၤန့ၣ်မ့ၢ်ကျဲလၢအညီ ဒီးပှၤလၢအပိာ်အီၤအိၣ်ဝဲအါဒံအါဂၤန့ၣ်လီၤ.

သုအၢသုသီဘၣ်ဆၣ်ဒီး, သုသ့ၣ်ညါဟ့ၣ်သုဖိတဖၣ်တၢ်လၢ အဂ့ၤတဖၣ်လီၤ. မ့မ့ၢ်ဒ်န့ၣ်ဒီး, သုပၢ်အိၣ်လၢမူခိၣ်တဂၤကဟ့ၣ်ပှၤတဖၣ်လၢအဃ့တၢ်လၢအီၤ တၢ်အဂ့ၤတဖၣ်အါန့ၢ်အန့ၣ်တက့ၢ်ဆံးဒိၣ်လဲၣ်.

ဒ်သိးသုသုတဘၣ်တၢ်စံၣ်ညီၣ်လၢကစၢ်ယွၤတဂ့ၤဒီးစံၣ်ညီၣ်ပှၤဂၤတဂ့ၤ. အဂ့ၢ်ဒ်အံၤ, ကစၢ်ယွၤကစံၣ်ညီၣ်သုလၢတၢ်စံၣ်ညီၣ်တမံၤဃီလၢသုစံၣ်ညီၣ် ပှၤဂၤဒီး အဝဲကဃီၣ်ဟ့ၣ်သုတၢ်လၢနီၣ်ဃီၣ်တခါဃီလၢသုဃီၣ်ဟ့ၣ်တၢ်န့ၣ် လီၤ.

ဘၣ်ဆၣ်ဒီး, ပှၤတဂၤလၢ်လၢ်လၢအနၢ်ဟူယတၢ်ကတိၤတဖၣ်အံၤဒီးတစူၢ်ဘၣ်ဝဲန့ၣ်, လီၤဂာ်ဒ်ပှၤအသးတဆးတဂၤလၢအဘှီထီၣ်အဟံၣ်လၢမဲးအဖီခိၣ် အသိးန့ၣ်လီၤ.

မ့မ့ၢ်ဒ်န့ၣ်ဒီးဘၣ်မနုၤလၢနကွၢ်ဒၣ်တၢ်ကမှံၤလၢအအိၣ်လၢနဒီ ပုၢ်ဝဲၢ်ပှၤစူၢ်က့ၤနာ်က့ၤတၢ်တဂၤအမဲာ်ချံပူၤဒီးတထံၣ်ဘၣ် သ့ၣ်အကျီၣ်လၢအအိၣ်လၢနမဲာ်ချံပူၤန့ၣ်လဲၣ်. ဖဲသ့ၣ်အကျီၣ်အိၣ်လၢနမဲာ်ချံဒၣ်နဲအပူၤန့ၣ်, နစံးဘၣ်နဒီပုၢ်ဝဲၢ်လၢ, ‘ပျဲယခွဲးထီၣ်န့ၢ်တၢ်ကမှံၤဖိအိၣ်လၢနမဲာ်ချံပူၤ’ န့ၣ်, ကသ့ဒ်လဲၣ်.

ပလီၢ်သုသးလၢဝံအဘျၣ်တဖၣ်တက့ၢ်. အဝဲသ့ၣ်ဟဲဆူသုအိၣ်ဖျါမၤအသးဒ်သိတဖၣ်အသိး, ဘၣ်ဆၣ်နီၢ်နီၢ်တခီလၢအကံၢ်အလဲန့ၣ်အဝဲသ့ၣ်လီၤဂာ် ဒီးထွံၣ်မံၤအအၢအသီတဖၣ်လီၤ. သုသ့ၣ်ညါအဝဲသ့ၣ်သ့ခီဖျိတၢ်လၢအဝဲသ့ၣ်မၤဝဲန့ၣ်လီၤ. တၤဆှုၣ်တၤမဲအမုၢ်တဖၣ်တသၣ်ထီၣ်စပံးသၣ်ဘၣ်. တၤဆှုၣ် တပှီာ်တဖၣ်တသၣ်ထီၣ်ချၢၣ်ဒၢသၣ်ဘၣ်.

သ့ၣ်လၢအဂ့ၤန့ၣ်သၣ်ထီၣ်တၤသၣ်လၢအဂ့ၤလီၤ. မ့မ့ၢ်သ့ၣ်လၢအတဂ့ၤန့ၣ်သၣ်ထီၣ်တၤသၣ်လၢအတဂ့ၤလီၤ.

သ့ၣ်လၢအဂ့ၤတထူၣ်န့ၣ်သၣ်ထီၣ်တၤသၣ်လၢအတဂ့ၤတသ့ဘၣ်. ဒီးသ့ၣ်လၢအတဂ့ၤတထူၣ်န့ၣ်သၣ်ထီၣ်တၤသၣ်လၢအဂ့ၤတသ့ဘၣ်.

သ့ၣ်တထူၣ်လၢ်လၢ်လၢအတသၣ်ထီၣ်တၤသၣ်လၢအဂ့ၤန့ၣ်, ကဘၣ်တၢ်ကူာ်လီၤကွံာ်အီၤဒီး တ့ၢ်လီၤကွံာ်အီၤဆူမ့ၣ်အူအပူၤလီၤ.