Popular Bible Verses from Genesis 27

Share

Biyan naka dayin Apo Dioh nin ambon ket mag-ilyadin mabona ye bangkag mo boy luhboy pupol boy bayon alak. Hilay nanahyon ket maghilbi boy pahakop hila dayi kamo. Mamoon ka kanlan kakatongno mo boy manalimokod hila bilang pagpahakop la kamo. Hilay mangihumpa kamo ket maihumpa hila met dayi. Ket hilay manginged kamo, minged hila met dayi.”

Hinabi nan Esau, “Nikalwa na koynan tinalingo. Kaya-bay manaytin Jacob ye ngalan na. Kingwa nayna ye katulidan ko bilang makaagat, ket haanin kingwa na po ye panginged a nakataladan kangko! Homain kayna nayi kanayon a panginged kangko?”

Hinabi nan Isaac kana, “Kumonin ka ha lugal a mataang ha mabona a luta boy homain ambon. Lanang kan makilaban kanlan kanayon a tatao, boy maghilbi ka kanan katongno mo. Noba no lumaban ka kanla, ket mapalihway ka ha kapalyadiyan la.”

Noba hinabi nan Esau kanan bapa na, “Tatang, mamagha laweh ye panginged mo? Inged moko met, Tatang.” Ket lalo na po impakakhaw ye panumangih na.