Popular Bible Verses from MATAIO 6

Share

Ke mua koutou o 'sala tena Malo mo tena amiotonu; kae ka fakaopoopogina atu a mea katoa kona ki a koutou.

Ia, ke se manava'se la koutou ki te aso a taeao, me manavase eiloa te aso a taeao ki ana mea. Ke faitalia eiloa te aso ke nofo mo ona fakalavelave.”

“Tena te mea e fai atu ei au ki a koutou, ke se manava'se koutou ki otou ola, ki mea e 'kai ei koutou, mo mea e inu ei koutou, io me ko otou foitino, ki mea e pei ei koutou. E a, e se sili la te ola i meakai io me ko te foitino i gatu?

Kafai e 'talo koe, ulu ki loto i tou potu, 'pono te mataloa; ko fai ei tau 'talo ki tou Tamana tela e i te koga se lavea; ka ko tou Tamana tela e lavea ne ia koe i te koga se lavea, e avatu foki ne ia a te taui ki a koe.

Tela la, ke 'talo koutou penei: ‘Te motou Tamana tela i te lagi: Ke tapu tou igoa, Ke oko mai tou Malo, Ke fai te mea e loto koe ki ei i lalo nei, e pela mo te faiga i te lagi.

Tuku mai omotou meakai e 'tau mo te aso nei

Fakamagalo mai omotou agasala E pela mo matou e fakamagalo atu ki tino kola e se mai ki a matou

Kae sa takitakigina matou ki se tofotofoga, kae faka'sao mai matou mai te masei.’

I te mea kafai koutou e fakamagalo atu ki tino i olotou agasala, e fakamagalogina foki koutou ne te otou Tamana tela i te lagi.

Ke 'kilo koutou ki manu eva; a latou e se 'toki saito, io me kati saito, io me fakaputu i fale saito; kae fagaigina eiloa latou ne te otou Tamana tela i te lagi. E se sili la a te otou tāua i a latou?

“Sa fakaputu ne otou koloa i te olaga nei, me e iai a mogamoga mo te pala o fakamasei, e iai foki ne tino kai'soa e ofa ne latou a mea kae kaisoa. Kae fakaputu ne otou koloa i te lagi, tela e seai ne mogamoga mo te pala o fakamasei; e seai foki ne tino e ofa ne latou a mea kae kaisoa. Me ko te koga tela e tuku i ei ou koloa, e iai foki mo tou loto i kona.”

“E seai se tino e mafai ne ia o tavini ki aliki e tokolua; me e takalialia a ia ki te sua tino, kae alofa ki te sua tino, e fakamaoni ki te sua tino kae se fakamaoni ki te sua tino. E se mafai ne koutou o tavini ki te Atua mo koloa.

Kae kafai ko te Atua ne fakalavalava ne ia a mouku o te vao konei e ola i te aso nei, kae pei ki te afi i te aso a taeao; e a, e se sili atu la te fakalavalava ne ia koutou kona e fo'liki otou fakatuanaki?

Kae kafai e avatu ne koe ne meaalofa, ke se iloa ne tou lima fakamaui a te mea ko fai ne tou lima fakaatamai; ko te mea ke se matea ne ia au meaalofa; ka ko tou Tamana fua e lavea ne ia koe i te koga se lavea; ka avatu foki ne ia te taui ki a koe.”

“Sa fakamata'mata koutou o fakaasiasi te otou amiotonu ke matea ne tino, me e se maua i ei ne koutou a te taui mai te otou Tamana i te lagi.

“Kae kafai e fakaliki'liki koutou mō tapuakiga, ke se mata fanoa'noa koutou e pela mo tino fia amiotonu; me i a latou e fakama'sei olotou mata, ke lavea mai ne tino i a latou ko fakaliki'liki mō tapuakiga. E tonu, au e fai atu ki a koutou, e maua ne latou te lotou taui. Kae kafai e fakalikiliki koe mō tapuakiga, teuteu faka'lei tou foitino, ko te mea ke se iloa ne tino i a koe ko fakalikiliki mō tapuakiga, ka ke iloa fua ne tou Tamana tela e nofo i te koga se lavea; ko tou Tamana foki tela e lavea ne ia a mea e se lavea, e avatu ne ia ki a koe se taui.”