Popular Bible Verses from MATAIO 24

Share

A mea kona e fai ne latou ke na gasolo ei o se a'lofa kae amio ma'sei a tino. Ka ko te tino e loto mau ke oko ki te ikuga, e ola eiloa a ia.

A te Tala 'Lei tenei e uiga ki te Malo, e fakamatala atu ki te lalolagi katoa, mo fai te molimau ki tino katoa; ko oko mai ei te gataga.”

E lagona ne koutou a taua mo tala o taua; kae sa ma'taku koutou. E 'tau o 'tupu a mea pena ka koi tuai o oko ki te gataga o te lalolagi.

E fai taua te sua fenua ki te sua fenua, mo te sua malo ki te sua malo. E oko mai a oge mo mafuie i koga katoa. A mea katoa konei ko te kamataga o puapuaga.

E palele atu foki te lagi mo te lalolagi, ka ko aku muna e mautakitaki eiloa.”

Me e tokouke a tino e o'mai i toku igoa, kae fakaloiloi ne latou a te tokoukega o tino ki te muna tenei, ‘Au ko te Keliso!’

“E puke fakapagota koutou ne tino o ave o fakasala, kae tamate foki. E takalia'lia a fenua katoa ki a koutou, ona ko toku igoa. I te taimi tena, e tokouke a tino e tiakina te lotou talitonuga; e faitogafiti te sua tino ki te sua tino, kae e se fiafia foki te sua tino ki te sua tino. E tokouke a pelofeta 'loi e 'tu mai o fakaloiloi a tino e tokouke.

Ne tali atu a Iesu, “Ke fakaeteete koutou, ia koutou ma faka'se ne se tino.

Tela la, e 'tau koutou o toka me i te Tama a te Tagata e vau i te itula tela ne seki fakatali'tali koutou ki ei.”

Tela la, ke matapula'pula koutou me se iloa ne koutou me tefea te aso e vau ei te otou Aliki.

“E seai se tino i te lalolagi io me se agelu i te lagi e iloa ne ia a te aso tena mo te itula tena. E pena foki a te Tama, kae na ko te Tamana fua e tokotasi e iloa ne ia.

Me e oko mai a Keliso 'loi mo pelofeta 'loi; e fai ne latou ne fakailoga 'lasi mo mea fakaofoofogina mō fakaloiloi a tino ko oti ne filifiligina ne te Atua, manafai e mafai ne latou o fai pena.

A te oko mai o te Tama a te Tagata, e pela mo te mea ne tupu i aso o Noa. E pela mo mea ne fai ka koi tuai o poko te lolo. A tino e 'saga eiloa o 'kai kae inu, kae fakatau a'vaga valevale foki, ke oko eiloa ki te aso ne ulu ei a Noa ki loto i tena vaka. Ne seki iloa ne latou a mea ne 'tupu ke oko ki te pokoga o te lolo tela ne tapea'pea ei a latou katoa. E pena foki i te taimi e vau ei a te Tama a te Tagata.