Popular Bible Verses from MATIU 7

Share

Mì biọ, yè na na mì; mì din, mì na mọ, mì húhúhọ̀n, yè nasọ hùn in hlan mì.

Na mẹdepope he biọ, é mọ yí; mẹhe sọ din, é mọ; podọ hlan mẹhe húhúhọ̀n, yè na hùn hlan ẹn.

Enẹwutu mẹdepope he sè ohó ṣie helẹ, bo sọ basi yé, yè na jlẹ́ ẹ do gbẹtọ núyọ́nẹnto de go, he gbá ohọ etọn do osé ji.

Enẹwutu onú depope mìwlẹ jlo gbẹtọ ni wà hlan mì, mọkẹdẹ wẹ mì ni wà hlan yé: na ehe wẹ osẹ́n po yẹwhegán lẹ po.

Na bibó wẹ họ̀ntonu lọ, jijlọ́ sọ wẹ ali lọ, he hẹn omẹ yì ogbẹ́ mẹ, pẹvide wẹ yé he din in mọ lẹ.

Mì gbọn họntonu bibó mẹ biọ whégbè, na gbigblo wẹ họntonu lọ, gblagada sọ wẹ ali lọ, he hẹn omẹ yì dindọn mẹ, susu sọ wẹ yé he to zọnlinzin gbọn finẹ lẹ.

Bé eyín mìwlẹ yínyín mẹylankan yọ́n le yè nọ na núnina dagbe ovi mìtọn lẹ do, nẹmunẹmu wẹ Otọ́ mìtọn he tin to olọn mẹ ma na yí onú dagbe na yé mehe biọ ẹ lẹ?

MI dawhẹ̀ blo na mì ma yín mẹdawhẹ̀na na blo. Na whẹ̀dida he mì yí do dawhẹ̀, wẹ yè na do dawhẹ̀na mì; podọ nújlẹ́nu he mì yí do jlẹ́, wẹ yè na do jlẹ́ hlan mì.

Mẹdepope he sọ sè oho ṣie helẹ, bo ma sọ basi yé, yè na jlẹ́ ẹ do gbẹtọ nuluno de go, he gbá ohọ̀ etọn do tọ̀kẹ́n ji.

Etẹwutu wẹ hiẹ to núyọ he tin to nukún mẹmẹsunnu towe tọn mẹ pọ́n, ṣigba hiẹ ma lẹn atinpo he tin to nukun hiẹlọsu tọ́n mẹ tọn pọ́n? Kavi nawẹ hiẹ na dọ hlan mẹmẹsunnu towe do, dọ, Gbọ yẹn ni dè núyọ sẹ̀ sọn nukun towe mẹ, bo do ayi e go, atinpo tin to nukun hiẹlọsu tọn mẹ?

Mì payi yẹwhegán lalonọ le go, he to mí de wá lẹ to avọ lẹngbọ lẹ tọn mẹ, ṣigba ohla nuwletọ lẹ wẹ yé to hòmẹ. Mì na yọ́n ye gbon sinsẹn yetọn mẹ. Be gbẹtọ nọ gbẹ̀n vẹn sinsẹn to vewùn ji, kavi ovò sinsẹ́n to tẹwùn mẹ?

Mokedẹ wẹ atin dagbe lẹpo nọ hẹn sinsẹn dagbe jẹgbonu; ṣigba atin yinyọn lọ hen Sinsẹn ylanylan jẹgbonu.

Atin dagbe ma sọgan hẹn sinsẹ́n ylanylan jẹgbonu gba, mọ àtin ylanylan ma sọ sọgan hẹn sinsẹ́n dagbe jẹgbonu.

Atin he ma hẹn sinsẹ́n dagbe jẹgbonu lẹpo, yè na sán ẹn liai, bo sọ dọ̀n ẹn dlan miyon mẹ.