Popular Bible Verses from Kalangan 139

Share

Aheya pudjiku ni ka'a, sabab ainu-inu aku, sinōd aku tāw, ma sabab ginhawa-baran ya hinangannu aku. Tata'uku asal, makainu-inu kahinangan kamemon.

O Tuhan, lilingun aku bo' tata'unu deyom pangatayanku, tatabun aku bo' tata'unu bang ai kahanggawanku. Tandingun aku, ya aniya' makala'at ma iman-nyawaku, ati malimin aku ma lān ya kakkal min awal ni ahil.

Ka'a PANGHŪꞋ, bay amapanjari ginhawa-baranku, tabatuk e'nu pagdayawku hinabuku lagi' ma deyom kandang ina'ku.

ta'nda'nu aku ma halam gi' ajukup kapaga'aku. Tasulat asal saga llaw ya pangangganta'nu ma aku, tasulat ma deyom kitabnu, tasulat dahū lagi' min llaw kalahilku.

O Yawe, bay aku tatabnu, kata'uwannu aku maka kapaga'aku.

Ya PANGHŪꞋ, pi'ingga aku bo' makalahi min Rū-nu? Pi'ingga palahianku bo' kaillaganku haddaratnu?

Ata'u ka ma katingkō'ku maka ma kapundukku, kasakupannu pamikilku minsan min kalawakan.

O Yawe, bang aku sōng amaluwas bissala, asal kata'uwannu kamemonna ma halam gi' tak'bbat.

Ata'u ka ma kalunsulku maka kalegeku, tahimangkannu kajarihanku kamemon.