Popular Bible Verses from matai 7

Share

<hocimu m'ene, te m'elʉ; biebimi, te elʉa; tmo'totokʉ no phingi, te paavneni no phingi muu.

maica inala afu'u m'ene, te m'elʉ; nala biebimi, te elʉa; nala tmo'totokʉ no phingi, tec'u maavo 'o phingi.

<ko'koeno, namo afu'u tmalʉ ta e'e'u ho a'ʉmta peis'ofeihni, te mais'a 'omo mau'to'tohʉngʉ ci cou isi p'eyac'a to yakivayʉ 'o emoosi

<ko'koeno, hocimu mici noa yainenu no mocmo ci cou, 'ateeno mainenu nate hia mi'usnu no mocmo ci cou; 'aeno eni na a'ʉmtʉsi e'a'ausna to hoolicu to moose ho ito h'omahsʉfta to eyongensa.>

i'omo ptu'usnu tomo yaansou ci phingi mo mhocni, na'no ngoveo 'o ceonʉ ho isi mia, maezo kakutia 'ola elʉ ci cou.>

<temula ohmi tomo mhocni ci phingi; maica i'omo emo'usnu tote meaapayo'ʉ ci phingi mo faf'ohʉ, ʉmnʉ ho isi mia 'o ceonʉsi, 'omo emo'usnu to ic'o ci cou mo maezo botngonʉ.

lamu e'vono kokuzo, lean'a cohivi ho fii nomo ʉmnʉ ci macucuma na iachi 'o'oko, namo yone pepe ci amomu o'a tesis'aeno fii nomo asuhcu ʉmnʉ ci macucuma namo afu'u m'ene ci cou?

<'otela eafafeoyʉ no cou, tesieno o'te yʉsvʉta to hamo na muu. maica, la mainenu na lamu hia eafafeoyʉ no cou, te totiski na tesi hia yʉsvʉtʉ muu to hamo; hocimu boemi nomo mainenu ci peosvʉta ho meosvʉtʉ, tesi yaeza titheni nomo totiski ci peosvʉta to hamo ho peosvʉtneni muu.

at'inghi, 'ola tmalʉ ta e'e'u ho o'te peis'ofeihni, mo mais'a 'ola nongonongo ci cou isi p'eyac'a to efuefu'u 'o emoosi

mainci osko teolʉihe na mo subkongʉ no mcoo no nat'ohaesa ci yompuhu, ho o'te cumasa na mo yonta mcoosu ci ehti no evi? mo yaa ehti no evi si mcoosu, te mainenu hoci meelʉ mi'usnu no nat'ohaesasu ho yainca <<te'oeno iseafa simo subkongʉ ta mcoosu ci yompuhu>>?

<temu etngoeva 'o meyoyongensa. la esmi ta tuhcumu, ho isi aiti 'o yafanahe mais'a mo ma'cocacni ci moa'um'u, 'o 'ayumonahe zou eno'so pak'i ci av'uyʉn'ʉ. temu peelʉi i'mi to lahe peipeis'ausna ho honga. 'o cʉcʉmʉ o'ate meelʉ beahci no amcuyu, 'o evi no cʉmʉ o'ate meelʉ beahci no moezunge.

'o ʉmnʉ ci evi la beahci tomo ʉmnʉ ci beahci; 'o kuici evi la beahci tomo kuzo ci beahci.

'omo ʉmnʉ ci evi o'ate beahci nomo kuzo ci beahci; 'omo kuici evi maezo o'ate beahci nomo ʉmnʉ ci beahci.

i'omo kuzo 'o beahcisi ci evi te teoca ho to'seni to puzu.