Popular Bible Verses from Cong-Mengh Waac 29

Share

Mienh gamh nziex mienh se benx koux hlopv, mv baac haaix dauh kaux ZIOUV duqv yiem longx.

Haaix norm dorngx maiv maaih laauc yaangh nyei jauv, baeqc fingx ziouc maiv muangx leiz gunv, mv baac gan longx leiz-latc nyei mienh duqv orn-lorqc.

Mienh hngongx mienh bun ninh nyei ga'qiex baetv cuotv nzengc, mv baac cong-mengh mienh longc noic nyienz jienv.

Longc biaav mborqv njaaux yaac gorngv-njaaux, fu'jueiv ziouc jaa cong-mengh, mv baac se gorngv sueih fu'jueiv ei ganh nyei hnyouv zoux, ziouc bun maa zuqc nyaiv.

Oix zuqc mborqv njaaux meih nyei dorn, ninh ziouc bun meih duqv hitv kuonx, ninh yaac oix bun meih nyei hnyouv a'hneiv.

Mienh zoux maux ninh ziouc ndortv njiec aiv, mv baac mienh nyiemc ganh zoux faix ziouc duqv mienh taaih.

Ga'qiex beqv nyei mienh coqv cuotv nzaeng jaax nyei sic. Hungh hec qiex jiez nyei mienh baamz zuiz camv.

Meih buatc nzuih siepv nyei mienh fai? Mienh hngongx mienh zungv maaih lamh hnamv gauh camv ninh.