Popular Bible Verses from I^saa^yaa 26

Share

Liepc dingc hnyouv nyei mienh meih bun maaih baengh orn dunh yunh nyei, weic zuqc ninh kaux meih.

Oix zuqc yietc liuz kaux ZIOUV, weic zuqc ZIOUV TIN-HUNGH se yietc liuz yiem nyei La'bieiv.

Lungh muonz zanc yie nyei hnyouv jangx haic meih, yie nyei hnyouv qaqv lorz meih. Weic zuqc meih yiem lungh ndiev siemv nyei ziangh hoc, lungh ndiev mienh ziouc hiuv duqv zoux horpc nyei jauv.

O ZIOUV aac, meih oix liepc baengh orn bun yie mbuo. Yie mbuo zoux ziangx nyei yietc zungv se meih weic yie mbuo zoux.

O ZIOUV aac, yie mbuo gan meih siemv nyei jauv, yaac zuov jienv meih. Yie mbuo nyei hnyouv gauh oix jiex nyei se meih nyei mengh caux horpc zuqc jangx nyei mbuox.

Kuv mienh yangh nyei jauv se baengh nyei. Zingx nyei ZIOUV aac, meih bun kuv mienh nyei jauv yuonh.

Ninh bun yiem hlang nyei dorngx wuov deix caux yiem hlang nyei zingh njiec nzengc, mbaang njiec taux ndau. Zungv mbaang njiec taux nie-mbung.

Koi nqoi zingh gaengh bun wuov norm guoqv nyei kuv mienh, se gan longx Tin-Hungh nyei mienh bieqc daaih.