Popular Bible Verses from Marko 14

Share

Wihi us yidah, “Aabba, Aabbahaaw, ati ka walah tuumman a geeddi icho yateehiin. Kokkooba sinayyoot ikakhaat. Iꞌdaasenyi in an ꞌdoono menye, in at ꞌdoonto a titaahe.”

Toorribda Waakh wahda, ꞌdee kajmeti uskeel atin kaluguꞌddo akidihina. Rubeyohiin wihi mujjumenye ꞌdoonaane, iꞌdaasenyi sartiinna ꞌdabakhe.”

Rume atin icheeka, meelbaaw Wori Haaggan harra tuumman ka lacheeko ka, wihi iche yeesse laka a lacheeka, iche la lakasooꞌhela.”

“Huleesi rubeyteey kijiro, huleesi omooteet laka a ikeena. Inta fiddiya, toorribda la,” iyidah.

Golossataani Yeesso makaate khaate Waakh kalaꞌd ilaabe, jejjebche abattitiis ididdiibe, wihi us yidah, “Khaata, waha a sartaayaa.”

Toro kokkoob khaate, Waakh kalaꞌd ilaabe, abatti idiibe, iche tuumman la isleeanguumatte. “Waha a diiggeeyki ayyinti husube Waakh enenyet igoocho, a diiggi iroonoti enenyeti buure liikhubo.

Yeesso wihi us abatti iyidah, “Atin tuumman a ikafiriddaan, a mehe wihi chiiran, “ ‘An ersime guꞌdda, iiye la seley baabaata.’

Sookaha a iranni! Eti ꞌdub igoocho kalla soosohtaa!”

Yeesso wihi us ilaabe, “Rume atin icheeka, maanta ibeenka goya laka, geeddi lukki kol lamma iriirin, ati rubeytaah kol seyyahe, ma igaratti tadeeh!”