Popular Bible Verses from Luuka 8

Share

Iꞌdaasenyi ilmohi harrati haaggan lakachibe a ꞌdooꞌdi hahhaaggane, uuri haaggan khabo Yeedi Waakh daago uuricho gessati, jeenteti us igarrahsatuu gurnaan delo.

Ilmohi inti geeyohi kudah khabto goya kadihe mehe itoollaan ya, ꞌdooꞌdi Yeedi Waakh daago. Iꞌdaasenyi geedda icho orey isohtaan, waꞌdwaaꞌd ichoow kamurroon ichoow haaggi wihi harrata afchaane ma weynaataan.

Ilmohi daddaab sarche kadihe a ꞌdooꞌdi chuꞌus Yeedi Waakh daage hamaadi buure ka khaatti. Iꞌdaasenyi hiiyyay icho khabaan mele. Geeddoo rucchul on yeeda rummeestaane iꞌdaasenyi chirri kajmeti uskeel kaluguꞌddo timiy dowwa on soodihaan.

Yeesso la wihi us abattitiis worsate, “Atin uliba ma ikakhuuftaan a?” Abatti roorro gesse toro girmeysatte, wihi iche isworsatte, “Eta a ayyo? Hafar ichoow bicche laka amur on ibahcha, icho la yeediis daagaan.”

Ilmohi jit lakachibe a ꞌdooꞌdi Yeedi Waakh daago, Seytaan la yamiite yeedaas uuricho kabahcho, saggoo ꞌdee icho yeedaas irummeysanne, Waakh iribin yeelo.

A mehe walah dagsane liisoobihin mala, ommos walah oboobsane enenyet liiabinne ommos ꞌdow liikasoobihin mala.

Makhaabale ꞌdeerka saggi liikase agarte, ichehi hamarto timiyye, Yeesso ortiis ka il guꞌdubte. ꞌDooꞌd ortiis ka jeenteti iche Yeesso iꞌdaarte ichoow saggi iche chirraas on isamaatte cheekte. Yeesso la wihi us iyidah, “Inantaay, kakhuufnaanki at ikakhuufte a kisamaache gone, tab giꞌde nebey leeiro.”

Abatti Yeesso iiratte, kihisse, wihi iche itidah, “Eti ween, eti ween, bicche a inno khaataan!” Ulla sookahe, hafar ichoow bicchehaas uskul ba leejaakhe, ire tolossatte, bicche laka haagsateen.