Popular Bible Verses from Malaquias 3

Share

Ch'ʌmʌla tilel pejtelel jini diezmo tac ti' yajñib cha'an mi' jastiyel i bʌl ñʌc'ʌl jini levíjob tic Templo. Che' jini mi caj la' q'uel xuc'ulon. Mi caj c jambeñetla jini panchan cha'an mi cʌq'ueñetla pejtel chuqui la' wom. Ñopola ti isujm. Che' jini mi caj c pʌsbeñetla isujmʌch c t'an.

Che' jini cabʌl mi caj i yʌc' i wut la' pʌc'ʌb, come mi caj j cʌntan cha'an ma'anic mi' yochel i chʌñil yic'ot i c'amʌjel. Ma'anic mi caj i tiquin i wut la' ts'usubil che' ch'oc to, che'en i Yum Panchan yic'ot Pañimil. Ti pejtelel pañimil winicob mi caj i yʌlob tijicñayetla, come cabʌl mi caj la' taj la' wenlel ti la' lumal, che'en i Yum Panchan yic'ot Pañimil.

C cha'añobʌch ba' ora mic tempañob tilel tic tojlel che' bajche' i t'ojol jax bʌ ujʌl, che'en i Yum Panchan yic'ot Pañimil. Mi caj c ñusʌbeñob i mul che' bajche' winicob mi' ñusʌbeñob i mul i yalobil mu' bʌ i jac'ben i t'an. Che' jini mi caj la' ña'tan mach lajalic mi' yujtel jini toj bʌ yic'ot jini mach bʌ tojic ti' yorajlel meloñel. Mi caj la' q'uel majqui wen chumul, jini mu' bʌ i melben i ye'tel Dios o mi jini mach bʌ anic mi' mel, che'en.

Woli' yʌl lac Yum: Ubinla, mi caj c choc tilel suboñel ti' tojel c wut cha'an mi' chajpʌbeñon c bijlel. Tal la' Yum woli bʌ la' pijtan. Ora mi caj i tilel ti' Templo. Mi caj la' q'uel. Mi caj i tijicñesañetla che' bajche' ts'ijbubil tic Trato. Isujm, talon, che'en i Yum Panchan yic'ot Pañimil.