Popular Bible Verses from Māa̍ti̍u̍ 18

Share

Kāni̍ fo̍ndōle̍, bā o̍ bā bu̍ɛ̍i̍yāā nīa̍a̍ chūūŋgi̍āŋ pɛ̍, ā wa̍ a̍ ŋi̍ɔ̍ɔ̍ŋ, ā wa̍ a̍ ya̍a̍, I̍ wa᷅ nda̍ tɛ̄ɛ̄ŋ.”

“I̍ di̍mūl lɔ̍ nya̍ vɛ̄lɛ̄ ī chēle̍ŋ. Tē lā chɛ̄la᷅ŋ o̍ chi̍e̍ēŋndo̍ ho̍ō chōo̍ le̍ Mɛ̄lɛ̄ka̍ pīɛ̄īyo̍ le̍ nyɛ̄ o̍ nyɛ̄ pɛ̍, lā wa̍ bɛ̍ɛ̍ a̍ ŋi̍ɔ̍ɔ̍ŋ, fi̍nyā nūu̍ o̍ cho̍ o̍ fo̍ndāŋ ndɔ̄ɔ̍ wo̍ nɔ̄lā mbō tōsa̍l nya̍ ndu̍.

Mi̍ Chi̍i̍sū lo᷅ lo̍ŋ mbo̍ vēēlū chūāāmbɔ̄ pɔ̄mbu̍ɛ̍i̍na̍a̍ mbo̍ sīmī ndu̍ nda̍ lāchī. Mbo̍ dīmī āā, “Mī di̍mu̍l nya̍ wānā o̍ wānā mɛ̄ɛ̍ mī lā māŋga̍la̍ ka̍ālā nyāla̍ŋ mī lā sīmnu᷄ŋ mɛ̄ɛ̍ chūāāmbūāā pɔ̄mbūa̍a̍ chō nu̍a̍ā yɛ̍. Tē ō cho̍ ko̍ŋ te̍, lā lu̍e̍ī o̍ māsāle̍ Mɛ̄lɛ̄ka̍le̍ŋ ni᷄ŋ te̍.

Wāna̍ tu̍si̍ ndu̍ pi̍la̍ tōōlō mbō sīmnu᷄ŋ mɛ̄ɛ̍ chūāāmbɔ̄ pɔ̄mbɔ̄ɔ̍ ho̍ō chō yɛ̍ pɛ̍, wānā ko̍ŋ ndu̍ cho̍ wānā ba̍nāa̍ o̍ māsāle̍ Mɛ̄lɛ̄ka̍le̍ŋ ni᷄ŋ ni̍.

Ndu̍yɛ̍, wānā o̍ wāna̍ chɛ̍l chūāāmbɔ̄ wāā nu̍a̍ā pɛ̍ le̍ mɛ̄ɛ̍ ŋ̄ cho̍ bu̍ɛ̍ī nī yɛ̍ pɛ̍, mɛ̄ɛ̍ ya̍ ŋ̄ chɛ᷄l ko̍ŋ ni̍.”

Mbo̍ hīāū lāchī a̍ sūɛ̍i̍ āā, “Le̍la̍ŋ mī di̍mu̍l nya̍ kpe̍de̍, sāwā o̍ sāwā nya̍ dɔ̄ū pɛ̍ chi̍e̍ēŋ na̍nu᷄ŋ, mī sāwā ko̍ŋ dīmi̍ āā, ‘Wānā to̍sā he̍ī le̍,’ kɛ̄lɛ̄ŋgāā mbō dīmi̍ āā, ‘He̍ī ndo̍ō wānā to̍sā ni̍,’ mɛ̄ɛ̍ dīmi̍ Mɛ̄lɛ̄ka̍a̍ ni̍.

Mi̍ Chi̍i̍sū mɛ̍ɛ̍lū dīmī āā, “Wānā o̍ wānā tē a̍ me̍l cha̍a̍ŋ nūm wa᷅na̍ chi̍o̍o̍ a̍ kɔ̄l kpo̍u̍ le̍ yɔ̄ŋ wɔ̄ɔ̍ŋ o̍ to̍sa̍l nu̍mndo̍ le̍, Fi̍nyā nūu̍ o̍ cho̍ ho̍ō o̍ fo̍ndāŋ ndɔ̄ɔ̍ wo̍ chō tōsā a̍ nūm mɛ̄ɛ̍ māsāa̍ ho̍ō tōsa̍ nu̍a̍ā a̍ wāna̍ ndɔ̍ wa̍llo̍ yɛ̍.”

Mi̍ Chi̍i̍sū hi̍a̍ū lāchī a̍ sūɛ̍i̍ āā, “Ō bɛ̄ndā bɛ̍ɛ̍ mā bāa̍ wāŋndo̍ pōū bɛ̄ndōo̍ o̍ lābo̍lō mā ma᷄l ndu̍ o̍ mɛ̄ŋmā yīŋgi̍lɛ̍i̍ya̍ŋ ni᷄ŋ, mbo̍ hīāū a̍ wānā wa̍ā le̍nde̍ to̍sāa̍ mī ā pɔ̄mbūa̍a̍ ha̍ā ō pīlɛ̍ bɛ̍ɛ̍ mbō ma᷄l lāāla᷄ŋ o̍ la̍a̍la̍ŋ a̍ ya̍ wo̍.

Mi̍ Chi̍i̍sū di̍mī tālo̍o̍ āā, “Tē wāŋndo̍ nɔ̄ pɛ̍ sa̍a̍ kɛ̄mɛ̄, kɛ̍ ndu̍yɛ̍, mī ō pīlɛ̍ lāāsi̍a̍ŋ pɛ̍, nyɛ̄ o̍ to̍sā wo̍ cho̍ ho̍ō ni̍. Mɛ̄īyo̍ o̍ mɛ̍ī a̍ be̍le̍-ŋɔ̄ma̍hīɔ̍ɔ̍lu̍ a̍ ā ŋɔ̄ma̍hīɔ̍ɔ̍lu̍a̍a̍ ha̍ā di̍o̍la̍ŋ o̍ fo̍ndāŋ nda̍ māndā chɔ̍lūa̍a̍ wo̍ ni̍ mbō kɔ̍ nu̍u̍vīāā sāa̍ la̍a̍si̍a̍ŋ ndo̍.