Popular Bible Verses from Māa̍ti̍u̍ 14

Share

Kɛ̍, mɛ̄ɛ̍ Pītɛ̍ che᷅ mi̍ hūēīye̍ wā hɔ̄ŋ bɛ̄ndōo̍, mi̍ sīōōŋnde̍ bīī ndu̍. O̍ ko̍ŋ, mbo̍ kāndū bɛ̍ɛ̍ mɔ̍ɔ̍wāa̍ o̍ mɛ̄ŋnda̍ŋ bɛ̄ŋgu̍. Mbo̍ māl yi̍o̍o̍ lē pīlɛ̍ kpe̍ āā, “Māsānɔ̄ɔ̍, pi̍ŋi̍ ya̍ fɔ̍.” Mi̍ Chi̍i̍sū si̍ɛ̍ndī bāa̍ lē pīlɛ̍ kpe̍ mbo̍ sāā ndu̍. Mbo̍ dīmūl ndu̍ āā, “Pītɛ̍ a̍ nɔ̍ la̍a̍la᷄ŋ bɔ̍ɔ̍ le̍ ma᷅. Vɛ᷅ a̍ hi̍u̍ la̍chi̍ a̍ lāāla᷄ŋndo̍ le̍?”

Kɛ̍, mɛ̄ɛ̍ Pītɛ̍ che᷅ mi̍ hūēīye̍ wā hɔ̄ŋ bɛ̄ndōo̍, mi̍ sīōōŋnde̍ bīī ndu̍. O̍ ko̍ŋ, mbo̍ kāndū bɛ̍ɛ̍ mɔ̍ɔ̍wāa̍ o̍ mɛ̄ŋnda̍ŋ bɛ̄ŋgu̍. Mbo̍ māl yi̍o̍o̍ lē pīlɛ̍ kpe̍ āā, “Māsānɔ̄ɔ̍, pi̍ŋi̍ ya̍ fɔ̍.”

Mi̍ Chi̍i̍sū su̍a̍ā nāa̍ nda̍ chūā o̍ lē pīlɛ̍ ni᷄ŋ kpe̍. Mbo̍ dīmūl nda̍ āā, “Lā yɔ᷅ŋ īsīōōŋ te̍. Ya̍ ni̍.”

Mi̍ Pītɛ̍ lo᷅ lo̍ŋ mbo̍ di̍mūl ndu̍ āā, “Māsānɔ̄ɔ̍, tē nūm lēkɛ̍ndɛ̍ī ni̍, mɛ̄ɛ̍ ve̍e̍lu̍ ya̍ mī hi᷅ŋ nāa̍ nūm chu̍a̍ o̍ mɛ̄ŋnda̍ŋ chōo̍.” Mi̍ Chi̍i̍sū di̍mūl ndu̍ āā, “Mɛ̄ɛ̍ hu̍ŋ.” Mi̍ Pītɛ̍ fu̍lā o̍ dɛ̄ndɔ̄ɔ̍ ni᷄ŋ mbo̍ kāndū kɔ̄la̍ŋ nāa̍ Chi̍i̍sū chu̍a̍ o̍ mɛ̄ŋnda̍ŋ chōo̍.

Mi̍ bu̍ɛ̍i̍yāa̍ wa̍ o̍ dɛ̄ndɔ̄ɔ̍ ni᷄ŋ nda̍ ā bāŋ wūla̍ŋ Chi̍i̍sū o̍ lābɛ̄ŋgu̍ ni̍ŋ le̍ ndu̍ bɛ̄ɛ̄le̍ŋ kīo̍o̍. Ma̍ dīmūl ndu̍ āā, “A̍ tōnya̍, Po̍ Mɛ̄lɛ̄ka̍a̍ kpe̍e̍kpe̍i̍ ŋ̄ chō ni̍.”

Mi̍ Chi̍i̍sū lo᷅ lo̍ŋ mbo̍ dīmūl nda̍ āā, “Ā ku̍ā īnɛ̍ le̍. Lā ke̍ nda̍ nyɛ̄ dīa̍a̍ ā di̍o̍.” Mi̍ bu̍ɛ̍i̍yāā ndūa̍a̍ dīmūl ndu̍ āā, “Bēe̍dīi̍yo̍ kpūŋgba᷄ŋ ŋ̄ ŋūɛ̍ɛ̍nu̍ a̍ sūūwa̍ ā ŋīɔ̍ɔ̍ŋ ko̍ni̍ na̍a̍ ŋ̄ nɔ̄ ni̍.”

Mi̍ Chi̍i̍sū di̍mūl nda̍ āā, “Lā hu᷄ŋ a̍ ndu̍ nāa̍ ya̍ chu̍a̍.” O̍ ko̍ŋ kɔ̍ɔ̍lī, mbo̍ dīmūl wāŋnda̍ āā, “Lā cha᷄l o̍ bīllo̍ chōo̍.” Mi̍ Chi̍i̍sū bi̍ī bēe̍dīi̍ kpūŋgbāŋ ŋu̍ɛ̍ɛ̍no̍o̍ a̍ sūūwāā ŋīɔ̍ɔ̍ŋnda̍. Mbo̍ tōfā chōo̍ cho̍o̍ mbo̍ mēl Mɛ̄lɛ̄ka̍ ba̍li̍ka̍. Mbo̍ yīmī yīmī ndu̍ būŋga᷄ŋ. Mbo̍ kē bu̍ɛ̍i̍yāā ndūa̍a̍ le̍ mā pīɔ̍u̍ wāŋnda̍. Mi̍ bu̍ɛ̍īyāā ndūa̍a̍ pīɔ̄ū wāŋnda̍.

Nda̍ kpo̍u̍ ma̍ di̍ā. Ma̍ pūm. Ma̍ dēmā. Mi̍ bu̍ɛ̍īya̍ chɔ̄ɔ̄vīāā ō bīŋgī bi̍ŋgī nda̍ dēma̍ wo̍, ma̍ dūāū o̍ kāmbɛ̍i̍la̍ŋ ni᷄ŋ. Mbo̍ pīā kāmbɛ̍i̍la̍ŋ tɔ̍ a̍ lā tīɔ̍ɔ̍ŋ.