Popular Bible Verses from Matayo 28

Share

Mbe, mugende mukore amaanga go:ne kuba be:igisibwa, nimubabatija mwisi:na rya Rata ne ryo Mwana ne ryo Mwoyo Mweru, Nimube:igisya okugwata byone binu nabaragiriye emwe, na rora anye ndi aamwi nemwe kukinga ku bute:ro bwa maimbo.

Yesu na:ja na:ika nabo ati, Nayabirwe obuinga bwone mu rwire na ku ca:ro.

Nawe maraika naindura nabwira abagasi abo ati, Emwe musige ku:baya, okuba nimenyere ati, omuyenja Yesu unu amabambwa ku musaraba. Atariwo anu, okuba asu:kire rwa kutyo a:ikire. Nimu:je murore anu Ratabugenyi ariga ama:mibwe.

Yesu nababwira ati, Musige ku:baya. Mugende mujo:bwira aba:na ba:su bagende Galilaya, niyo barindorera.

Nibe:kofyanya aamwi na bakaruka, nibarwajira aamwi, nibayana abasirikare jimpirya nyafu. Niba:ika ati, Jemwaikega ati, Abe:igisibwa bae ba:ma:ja mu ngeta nibamwiba eswe ciongee. Mbe omusango gunu cikongwibwa no musi:ba, eswe cirimukongyakongya, emwe nicibaso:syako intambara. Mbe nibagega jimpirya ejo, nibakora rwa kutyo be:igisi:bwe. Omusango gunu nigukumuka mu Bayaudi kukinga rero.