Popular Bible Verses from Luk 14

Share

«Wun nbɑ luon k wuu be nɑn’n, sie k u luon’n bonciɑnn k gɑl wɑɑ luon u cɑnbɑɑ, nɑn u nɑɑ, nɑn u puo, nɑn u wɑɑs, nɑn u yuɑlb, nɑn u wɑɑli, nɑn u mɔnŋ mɑnfuol biɑnŋ nbɑ nɑ. L i kii tie nnɑ i kɑɑ, u kɑn fit k tien n *puolpoweituɑ.

Wun nbɑ k jii u kuun dɑpunpunn k buk k wɑɑ’n, u kɑn fit k tien n puolpoweituɑ.

K mɑɑn wun nbɑ kul dont u mɔnŋ, b tɑn sɑɑ sikn’ɔ, ŋɑɑn wun nbɑ siknt u mɔnŋ, b tɑn sɑɑ donn’ɔ.»

«Tɔn, nilɔ i kii nyik u mɔktuk kul, u kɑn fit tien n puolpoweituɑ.

«Wun nbɑ luon k wun mɑɑ detuɑtuk, sie k wun kɑl sinsinn, k dukn wɑɑ sɑɑ tien biɑnŋ nbɑ k suol l mɔb, k lɑɑn u likli sɑɑ jɑnŋ ɑmi l kɑn jɑnŋ, k mɑɑn l i tie k u fɔkn fiɑkl nɑ ŋɑɑn tɑn k fit kɑɑl mɑɑlu mɑnŋ, niib ji sii lɑɑ’u e k sɑlkt’ɔ. B ji sii yien ɑ: ‹Juɑ nɑ dɑɑn fɔkn u dɔunŋ ŋɑɑn tɑn gbɑl kɑɑlu.›

Ŋɑɑn l i tie k ɑ yiin jɑɑnm u e, fɑn yiin tɑlɑs-dɑnm nɑn wɔbi nɑn diɑni nɑn juɑni, k ɑ sii mɔk pɑlpienn. B i kii fit jiin’ɑ ŋɑɑn ɑ sɑɑ gɑɑl ɑ jiinu Yennu buol ni, dɑɑl nbɑ k Yennu tɑn sɑɑ fiin bin nbɑ tie niŋɑnm u buol ni kuun ni.»

«Yɑɑln mɑn, ŋɑɑn l mɑnu i tɑnŋ i biil, nlee k l ji sii mɑn i? L lek k ŋɑn k ɑ jii’l k pɑk kpɑɑb ni, k biɑ k ŋɑn k ɑ pukn luln po. Sie k ɑ lu. Wun nbɑ mɔk tubɑ, wun gbiint.»