Popular Bible Verses from LUCAS 8

Share

Yan te tsꞌunubil te kꞌot ta lekil lume, jaꞌ skꞌoplal te machꞌatik ben jun yoꞌtanik ta xchꞌuunel te skꞌop Diose, sok ya yaꞌtelin spasel te tut ya yaꞌiye, y ben jun yoꞌtanik. Ya me sitin ta lek ta yoꞌtanik te skꞌop Diose.

Te tsꞌunubil te kꞌot ta chꞌixtikile jaꞌ skꞌoplal te machꞌatik ya yaꞌibe sluwar te skꞌop Diose, pero ma xjuꞌ yuꞌunik te tutik ya xbajt ta yoꞌtanik spasele. Ya xtenot yuꞌun te yaꞌtelik ta balmilale sok te skꞌulejalike, sok spisil te tutik ya skꞌupin spasele. Jich ma sitin ta yoꞌtanik te skꞌop Diose.

Te tsꞌunubil te kꞌot ta ba tontikile jaꞌ skꞌoplal te machꞌatik ben jun yoꞌtanik ya xchꞌuunik te skꞌop Diose, pero ma sꞌismaj ta yoꞌtanik. Yal cheꞌoxeꞌ kaal ya xchꞌuunik, te kꞌalal ya xtal ta stojolik te prewae, ora ya xchebaj yoꞌtanik yuꞌun.

Patil la yaltalanbe te jnopojeletike: —¿Tut la apasik sok te xchꞌuunel awoꞌtanike? —xyutalan. Toj cham a yaꞌiyik yuꞌun, sok lijk yajtal yoꞌtanik yuꞌun. Jicha lijk sjojkꞌobe sbaik: —¿Machꞌa wan a to te juꞌ yuꞌun spasel ta mantal te ikꞌe sok te jaꞌe y ya xchꞌuumbot smantal yuꞌun? —xchiik.

Te tsꞌunubil te kꞌot ta bee jaꞌ skꞌoplal te machꞌatik ya yaꞌibe sluwar te skꞌop Diose, pero ya xtal te pukuje, ya slokꞌeslambe ta yoꞌtanik. Jich ma xchꞌuunik sok ma xkolik.

Porke maꞌyuk tut nakbil te max chiknaje sok maꞌyuk mukul-kꞌop te makꞌ xchiknaj ta stojol te genteetike, y puersa ya xchiknaj ta sakil kꞌinal.

Te antse la yil te ma spas te mukul naxe. Xmetmuntal ta sik tal skejan sba ta yok te Jesuse, sok la yal ta jamal ta stojol spisil te genteetike te tut sluwaril te la spikbey te xkamix te Jesuse, sok te tutꞌil a lekub ta orae. Te Jesuse la yalbe te antse: —Kantsil, te tutꞌil jich la achꞌuun ta awoꞌtane, jich kolatix. Junuk awoꞌtan xbaat —xchi.

Jicha ba stijik jajchel te Jesuse, y la yalbeyik: —¡Maestro, Maestro! ¡Ya skꞌan smulotik jaꞌ! —xyutik. Te Jesus jajch, y la skom te ikꞌe sok te spuersa jaꞌe. Jicha kom spisil y ben lek senel a laj jil.