Popular Bible Verses from Lucas 7

Share

Paaty mijts nnëëmë, ko yë to'oxytyëjk mëti'ipë ijty mëjpokymyëëtën, tëë yajkpokymye'kxy, jä'ä ko mëj ja tsojkën ja'awën tmëëtëty. Mëti'ipë wäänë yajkpokymyä'kxpën, wäänë ja tsojkën ja'awën tmëëtëty. Ets t'ënëmaay ja to'oxytyëjk: Tëë yajme'kxy yë mpoky.

Tääts ja Jesús tjaaknëmaay ja to'oxytyëjk: Jä'äkyëjxm të mnitso'oky ko mijts të xymyëpekyës, oy mnëjkxnëty akujk jotkujk.

Yaxp ja Jesús twinkuwa'këy ets ja tyeky ojts tyajxo'kë mëët ja wyiin nëë ets ja wyääy tukmäxtëtsy, ets ojts tsu'kxë ja Jesús ja tyeky ets tuktekymyëtä'ämëy ja pa'akxu'kpë nëë.

paatyës kë'ëm të nkanëjkxy ma mijts myajpaatyën. Jyëkyejpy je'eyë m'ëna'anëty ko ja ntuunpës tsyo'okëty ets tso'okëp yë'ë. Jä'ä koos nän ëne'emyës n'ity, ëpëky, tamës yë ntsiptuunpëjk mëti'ipës näjyëtu'un n'ëne'empyën. Koos nitu'uk n'ënëëmë nëjkx, tääts nyijkxy; koos wiinkpë n'ënëëmë min, tää myiny; ets koos ja ntuunpë tii ntuk'ëne'emy, tyuunpy. Mëjmëtoy ja Jesús tmëtooy ko ja tsiptuunpë wintsën jëtu'un y'ënä'äny ets wya'akwinpijty, tääts t'ënëmaay ja ja'ay mëti'ipë ënäty yajpatëpën: Jëtu'un miits n'ënëëmëtë ko ni tu'ukës ja'ay jëtu'unpë të nkapaaty ma Israel kajpnën ijxtëm ya'atë ye'etyëjkën, mëk tmëëtëty ja mëpëjkën.

Tääts nän jää it ja Jesús tyajtsoky may ja ja'ay mëti'ipë pëjkëtëpën ets tyajpëtseemy ja ku'oypyë ma ja'ayën ets nimay ja ja'ay wiintspë tyaj'ijxë'ky, ets y'ëtsoowinpijty: Nëjkxtë ets xytyuk'ëwaanëtëty yë Juan wi'ix yaa të xy'ixtën. Tukmëmëtya'aktë ko ja ja'ay wiintspë y'ijxpëktë, ko tekymya'atpë ye'eyë'ëktë, ko pu'uts mëëtpë tsyo'oktë, ko natpë myëtoowpëktë, ko o'kpë jyuukpyëktë ets ko ëyoopëja'ay ja oy aaw oy ayuk yajtuk'ëwaanëtë.