Popular Bible Verses from Phatna-late 91

Share

TOPA tungah, "Amah ka bukna le ka kulhpi, ka muanpa ka Pasian ahi hi," ka d ci ding hi.

Sang Penpa liahna sunga tengte Thahatpenpa c liim ah a khawl ding hi.

Amah in kei hong sam dinga, ka dawng ding hi; lungkham hunin amah ka ompih dinga amah hu-in ka pahtawi ding hi.

Ahang in nang adingin ama vansawltakte thu pia dinga na lampi tengah hong cingsak ding hi

Amah in a khate in nang hong khuh dinga, ama khate nuai-ah bu-in; ama muanhuaina in na lumpi le na lumta hi ding hi.

Nangmah in Sang Penpa - keima bukna TOPA mah - na tenna na hisak leh tua ciangin na tungah siatna hong tung lo dinga, na puanbuk gei-ah vangsiatna hong tung kei ding hi.

Amah in vasa siahpa thang pan le sih theihna natna lauhuai panin hong honkhia taktak ding hi.

Na gei ah tulkhat pukin, na taklam ah tulsawm a puk zongin nang hong neh kha kei ding hi.

Zana lauhuaina ahi a, suna leng thaltang ahi zongin mial laka leng natna lauhuaite ahi a, suntangpi-a a siasak gimnate ahi zongin na kihta kei ding hi.