Popular Bible Verses from 1 Peter 1

Share

Eite Topa Jesu Christ Pasian le Pa kiphat ta hen! Amah in hong lainatna lianpi-in misi pana Jesu thawhkikna tungtawnin ahing lametna, note adinga vantunga kikoihkhol, a sia ngei lo, a nin baang lo, a tul thei lo gouluahna sungah eite suahthakna hong pia zo a

Tu laitak hun tomcik sung zia-etna namkim thuakin na lungkham uh zongin hih thu ah nakpitakin na lungnuam uh hi. Mei-a a kihalsiang khit ciang nangawna a kisia thei kham sangin note upna a manphazaw ahina, a maanna a kiciat theih nadingin hihte hong piang hi; tuate in Jesu Christ hong kilaak ciangin phatna minthanna le pahtawina a suah theih nading ahi hi.

Note hong sampa a siantho mah bangin na hihna khempeuh uhah na siangtho un; ahang in, "Kei siangtho ka hi manin siangtho un," a ci-in kigelh zo hi.

A thumang tate bangin bangmah thei lo-a na nuntak lai-ua na neih uh lunggulhna gilote deihna zui-in gamta kei un.

Tua ahi manin a gamtang dingin na lungsim uh kisakhol un; na pumpi uh ki-uk zo un; Jesu a kilat cianga note hong kipia ding hehpihna tungah na lametna khempeuh uh nga un.

Ahang in, "Mite khempeuh lopa bang hi-a, amaute minthanna khempeuh gamlaka pakte bang ahi hi; lopa vulin, pakte pulh a, ahi hangin Topa kammal kip tawntung hi," a Note tunga hong kihilh thu, hih ahi hi.