Popular Bible Verses from Mateo 5

Share

Dedemdemen mi tu gasiꞌ, nga simpri egay magket it tidaw nga pagkapagket ya, sukruban ya it alupan. In daꞌga iduꞌun ya talaga it dadaꞌtunan, isaꞌun maꞌyagan i muꞌsang seled it balay. Aypaꞌ ega itaguꞌ mi i pamayaꞌ mi. Sana masgu nga pirmi i imyu nga tidaw kat panleteg it kadakel, isaꞌun maꞌyag it kanira i magagayen nga buwat mi, baw bantugun nira i Amaꞌ mi nga duꞌun it langit.”

Kaꞌalimbawaan mi gasiꞌ, tidaw situt sinirungat langit, ka eyagan mi i pikiran it katataawan. Ta, demdemen mi nga siyudad nga duꞌun it siyagpawan it bulud, ega magkataguꞌ ka magkaltegan i sayaꞌ.

Magkasagya i mga taw nga egay antap it nakem nira nga ega magayen, in daꞌga purus mataldeng kat panleteg it Ampuꞌang Diyus. Sabap siguradung makitaan nira kanya.

Magkasagya i mga talagang kubwat nga pirmi it kaꞌirgan it Ampuꞌang Diyus, sabap talagang ibgay ya it kanira nga mabwat nira.

Temed kayti aku na i magꞌaat it imyu, rarasan mi i pati mga kakuntraꞌ mi, baw ipanalangin mi nga ildawan i mga magpanumpa it imyu.

“Magkasagya i mga taw nga, ipagpabetang nira nga talagang egay sadiling kakayaan nga masarigan, in daꞌga Ampuꞌang Diyus lamang, sabap kaꞌuyut sira duꞌun it kanyang kaꞌadiꞌan.

Magkasagya i mga magkabwat it dalan nga ipagkagayen, sabap ipabetang sira it Ampuꞌang Diyus nga mga anak ya.

Magkasagya i mga magkasmek sabap it nabwat nga kasalaꞌan, ka banga-bangayen sira it Ampuꞌang Diyus.

Magkasagya i mga pagpakuriꞌan sabap it kanira nga pagsunud it kaꞌirgan it Ampuꞌang Diyus, sabap talagang kaꞌuyut sira duꞌun it kanyang kaꞌadiꞌan.

Magkasagya i mga maꞌildaw, ka ildawan naga gasiꞌ sira it Ampuꞌang Diyus.

Magkasagya kamu in pagsawayen kamu it beken, in pagpakuriꞌan baw pagꞌampangan kamu it muꞌsang maraꞌe-raꞌet nga pamuwat-buwat nirat imyu sabap it magpamayaꞌ baw magsarig kamu nat aken. Sumagya kamu! Talagang sagyaan mi tu nga banar, sabap ega talaga basta-basta i itumbas it imyu duꞌut langit. Demdemen mi nga atkayan nagay pabetang it mga kagiyaringanan nira it mga prupitaꞌ ngaytit tagnaꞌ.”

Magkasagya i mga mapiyalulus, ka siguradu nga tanggapen nira i muꞌsa nga isiyanggup it Ampuꞌang Diyus.

Ipiyasigi ni Jesus i panulduꞌ ya, nga maat ya, “Kamu nga magsunud it kaꞌirgan it Ampuꞌang Diyus, kaꞌalimbawaan mi, asin, nga yay talagang pagkaꞌilanganen situt banwa. Ta in beteꞌ tumaꞌbang i asin ngaytu, magꞌuꞌunu paꞌ mapaꞌuliꞌnan i palaꞌ ya? Daꞌga ega nay kapulusan? Simpri ibuntal na lamang. Baraꞌan ya tetegday-tegdayan na lamang it mga taw.

Aypaꞌ kaꞌilangan pasbung kamu it Amaꞌ mi nga duꞌun it langit, nga kagayen it buwat ya, egay kakurangan.”

Yay magayen nga ampangen mi, in eeꞌ, eeꞌ. In ega, ega. Tamaꞌ naga yan basta kamatuudan, ka maraꞌe-raꞌet nay maski unu nga idungag mu nga pangibet, sabap si Satanas na i garing.”

“Nagnegan mi gasiꞌ i itu nga inaat it urdin, ‘Kaꞌilangan ukuman nga ipagsubung. In nakarindi kat matat iba mu, yanagay buwaten it imu. In nakapungaꞌ ka it nipen it beken, pungaꞌan ka nagay imu.’ Temed kayti aku na i magꞌaat it imyu, nga kaꞌilangan egay kat nakem mi nga kubles in pakuriꞌan it beken. Pataꞌnan mu na lamang. In beteꞌ may tumampaling it imu kat iwanang ayun nga basingil mu, pataꞌnan mu na lamang nga tampalingen ya gasiꞌ i sang bali.

Aypaꞌ in mata mu i pagpanggaringan it ipagkasalaꞌan mu, luwaten mu na lamang bawnga ibuntal. Ka magayen pay may magnis na nga bagit bilug mu, ega gat kumplitu pay bilug mu nga italpak duꞌun it apuy nga ega magpamu-pamugdaw, nga panriga it Ampuꞌang Diyus. Atkayan nagay alima mu, maski iwanan manggid, peꞌteken mu in magkapisiꞌan mu na lamang it kasalaꞌan, ka ibuntal. Ka magayen paꞌ talaga i may ginis nat bilug, ega gat kumplitu ngayan i italpak duꞌun it apuy nga egay kapugdawan ya, nga panriga it Ampuꞌang Diyus.