Popular Bible Verses from Mateo 10

Share

Maat paꞌ ni Jesus, “Ta kayti, pagtaꞌgen ku kamu nga subung kamu it mga tupa kat reet-reet it mga bunglun. Aypaꞌ kaꞌilangan maꞌulu kamu nga subung it mga dukul baw magnek nga subung it mga kalapatiꞌ.

Ka iyan magraras nga banar it kaꞌgenan ya, maꞌlam nagaytu it kanya, temed iyan temeꞌteꞌ it aken maski maat ikagtas na it ginawa ya, makanya talagay kaꞌgenan nga ega basta-basta.”

Ayaw kamut iꞌlam it taw nga magꞌimatay it bilug, temed ega magkaꞌimatay it kiyarurwa. Iyan talagay iꞌlaman mi, Ampuꞌang Diyus, nga kanya i magkaranggaꞌ it kiyarurwa baw bilug duꞌun it apuy nga ega magpamu-pamugdaw.

Baw in siyu nga ega pasaꞌnen yay kanyang krus ka sumunud nat aken, talagang ega mapakay kanya nga taawan ku.

Yay matuud, in siyu-siyu nga magkilala it aken kat adapan it kadadaklan it taw, kilalaen ku gasiꞌ kanya duꞌun it adapan it Amaꞌ ku nga duꞌun it langit. Temed in payluwan ya aku kat adapan it mga taw, payluwan ku naga kanya duꞌun it adapan it Amaꞌ ku nga duꞌut langit.

Pagayenen mi i mga magsarut baw egnen mi i maski patay na. Pagayenen mi i mga babangbangen baw pangimugawun mi i mga mararaꞌe-raꞌet kat pagpapulpugun nira. Ta it tiyanggap mi i atkaytung ildaw it egay babayad, ipamgay mi gasiꞌ i tabang mi it ega kaꞌman bayadan.

Aypaꞌ ayaw kamut iꞌlam, ka subraꞌ kamu paꞌ it sang paenan nga dignes.

Kaꞌilangan ega pikiren mi nga inasitu ku, tumaban akut kaꞌimbengan nga isaꞌun urunyun nay katataawan situt banwa. Sabap may mamayaꞌ it aken, iyan beken ega. Aypaꞌ subuk basiꞌ i taban kut naꞌasitu ngaytu, ka daꞌe-daꞌegen i liꞌwan ya.