Popular Bible Verses from MARK 13

Share

Sopŭrŭg daya re tiru di angān sabab Aku. Pak asi asi adi bijijŭ ndŭg sikasŭn-i re dog nyiramat.

Pak bijaga, ka sidia adŭp ngan, amai angān dŭh puan sinde tika-i mandŭg.

Ka kan angān dog nakap ka dog taban ka yŭn bisara, dŭhnyah gapang pasar kayuh adi re ngan nang. Kan tipuh-i mbŭh mandŭg, angān nang anŭ adi dog nggen di angān di jam anŭ, amai bang bang piminyu adi angān piruah dŭh-i jangān, pak mandŭg so Roh Kudus.

Rangit ngga ong re mungan, pak pinganang Ku dŭh re manyap.

“Mating daya puan sinde andu-i puan kah jam-i mandŭg, bait-i malaikat, bait-i Anak Manusia; Tapa sadi adŭ puan.

Dŭhnyah susah kan angān dingah sak daya biperang ka agah biperang. Kayuh adi mun anŭ dŭh siŭn dŭh jadi, pak dŭh sirati-i sikasŭn ong mbŭh mandŭg.

Bijaga meh, sabab angān dŭh puan sinde tuan ramin mandŭg; kadŭ-i ngga arong singumi andu puan kah sitŭrŭp ngarŭm, puan kah arong kok siok, puan kah ngga siri jawa. Kambŭi ayŭh gŭgŭh mandŭg, manyah ayŭh dapŭd angān bŭŭs. Kayuh adi Aku nang di angān, Aku nang di sopŭrŭg: Bijaga meh!”

Rais re biperang ngga rais adi bŭkŭn; pritah re nyerang pritah adi bŭkŭn. Tana-bigugoh re agi di barang yŭn, ka re agi apag. Kayuh ati re keya ka sibungas andam dayung re biranak.

Pak diŭ so sikasŭn ong, Agah Kana dŭh siŭn dŭh dog nyuse di sopŭrŭg bangsa daya.

Bagŭ daya re mandŭg pakai adŭn Ku ka nang, ‘Aku ati inŭh ayŭh!’ ka re nipu bagŭ daya.

“Adŭp ngan dŭh siŭn dŭh an bijaga. Angān re dog nakap ka dog taban ka yŭn bisara. Angān re dog pukong di ramin simayang-Jahudi; angān re mijog situra jawin ngga bara pinguasa ka raja raja sabab angān pinunda Ku, siŭn angān piagah Agah Kana di ngara.

Amai bara Kristus kadong ka nabi kadong re timbur. Ngara re ndai pingandai-nginga ka pingandai-saruh ngga situngang tungang-i ngga kinanyap sopŭrŭg daya, rabis-i ngara adi Tapa mbŭh mien.

“Di tipuh ripas tika pinyusah anŭ, batŭh andu re karŭm, buran re dŭh tia nyekar, bara bitang re rabu so rangit, ka kuasa di rangit re dog ngugoh.