Popular Bible Verses from YOHANES 5

Share

Tonganna tongan Kukua mati’: Minda-minda umperangii tu kadangKu sia umpatonganNi tu To ussuaNa’, iamo la ungkabu’tui katuoan tontong sae lakona sia tae’ nakannai ukungan, sangadinna lumengka’mo dio mai kamatean lako katuoan.

Iatonna tiroi Yesu mamma’, sia Naissan, kumua padamo masainna masaki to, Nakuami ungkuanni: Morairokoka maleke?

Minannung tu lanna Sura’ Madatu, belanna misanga lan mai la minii ungkabu’tui katuoan tontong sae lakona; anna ia duka tu Sura’ iato ungkatottongi tu diona Aku. Apa tae’ mimorai sae lako Kaleku, kumua ammi kabu’tui katuoan.

Nakuami Yesu ungkuanni: Millikmoko mualai tu ampa’mu mumale ma’lingka. Ta’pa malekemi tinde tau, naalai tu ampa’na namale ma’lingka. Iato allo iato, allo katorroan.

Mebalimi tu Yesu sia nakua ungkuanni tu tau: Tonganna tongan Kukua mati’: Moi misa’ apa tae’ Nama’inaanna tu Anak umpogau’i ke tae’i Natiroi Napogau’ Ambe’; belanna apa-apa tu Napogau’ Ambe’, ten dukato Napogau’ Anak.