Popular Bible Verses from Yoana 14

Share

Bubobelelo bunamusigila; nu bubobelelo buane bunamu­kasa; nsikumukasa anga bukukasanaga ba mu kisi. Mitima zeinyu tazizangezange, nu tamukue boba.

Yesu amubuide bune, Nne nili nzila, nu bulili, nu kalamo: takuli muntu unabasa ku Tatane, ndi ntabasila mundi.

Mitima zeinyu tazizangezange: katiziazi Kalaga, nka­tiziazi nunne.

Tondo Mukasia, wozo Muuza Wasililila, ukasinga Tatane kuizina liane, we akamu­igisia bunsania, nu akamukengelezia bunsania bunamusambalide.

Wozo ukuanzaga maka­kizio mane, uwozo wantunda; nu atundua na Tatane, nunne nka­mutunda, nu nkedolesia kueli.

Nu nkasega ku Tatane, nuwe akamukasa ungo Mukasia, buno abe neinyu nkiko zitanakuzinda. Uwozo, Muuza wa bulili: wozo kisi takinavuama kumusekela; kubuno takikumu­monako, aba takimuizi: tondo inyue mumuizi; kubuno eli neinyu, nu lingo akaba mumuli.

Kinsania kimukasega kuizina liane, nkakikita buno Tatane aganunue mu Muana wage. Ndi mukunsega kokansania kuizina liane, nkakakita.

Ndi muantunda, nti muanze makakizio mane.

Mu numba za Tatane muli biziki bingi, songo tabuligo, songo namubula; tondo nenda kumukulumizizia kiziki.

Nu ndi nenda kumukulumizizia kiziki, nkasubia lingo, nu nkamusekela; buno, kuko kundi mukikalagako.

Toma amubuide bune, Mukota, tatuizi kukuenda, buni butunamenya nzila?