Popular Bible Verses from Matayo 6

Share

Talukaka Bɔkɔta wa Mungu la eliande liengani, limɔ ebi-bitotina kofomoko ino imɔ.

Eokao otakelëke bolenda loasɔ loa lɛlɛngɔ, eoka bocho wa ɛlɛngɔ bototakela bolenda ko eya wao angɛnɛ. Eweuse bokanelu nde la obe wa wao.

Eokao, itoonga lanu mbo— Otakelëke bolenda loasɔ loa liwawi lianu mbo toleke to eni yeka, tomweke to iye; ango ko loasɔ loa bindo mbo towateke bini bisinda. ¿Liwawi liisoeta yeka yola? ¿Bindo biisoeta bisinda yowata?

Kongo ko, atosombol’aɛ ɔtokɔ hɔu nda kuku ya ndakɔ yaɛ, limɔ bome boliyama ndi, aɛ kosombola Sango waɛ oyayali nda wisakumbo; la Sango waɛ oyatɔɛnɛ wisisa ɛɔlɛsɛkɛ aɛ bondanda.

Eokao ino sombolaka ko ani mbo— Sango wasu oyayali nda Use, Lina liaɛ lilitesomoko, Bɔkɔta waɛ boyeke; Lisangi liaɛ likelomoko, Kwa atokelomo liao nda Use, ko ongoma ono se

Faefak’iso louse bieka yoengana louse

Mɛsɛlɛk’iso batongwi basu kwa iso imɔ Tosotamɛsɛlɛ iyo ebatotongwa lasu.

Okɛsɛk’iso nda lisoshela, Kangä ɔnɔkɔlɔkɔ iso nda obe.

Eoka eyambo bomɛsɛlɛ bato batongwi bau, Sango wanu imɔ atomɛsɛlɛ ko batongwi banu

Tichaka nɔli nda use, biitolɔɔ, biitoina, biitoisaka eula nda ekukyelo, kongo ko Sango wanu wa Use atoles’iyo; ¿Ino oisolongel’iyo finɛ?

Osɔnjɛ̈kɛ bondanda wanu ono se, olo sambola la batälɛ la mbombö batosɛɛsɛlɛsɛ wao, la olo eba biya batofindola etutu mbo biyeke wao; kongo ko sɔnjaka bondanda nda Use, ona angoko sambola, angoko batälɛ la mbombö angosɛɛsɛlɛsɛkɛ wao, angoko eba biya angofindola, ango wiya yeka. Eoka olo ayali bondanda waɛ, botema waɛ boyalaka imɔ ko omao.

Angwɛnɛ oto wokɔkɔlɔ oyala bɔkɔwa wa bato ambale, eoka mbo ataiyana la ɔmɔi nde kosamaka oyo ɔmɔi, angoko atowatema la ɔmɔi nde kosɛɔlɔ oyo ɔmɔi; otikɔkɔlɛ oyala bɔkɔwa wa Mungu la bieto lisanga.

Eya to mbo Mungu asowatesa ko chwingi chwa lokonda la bofɛkɔ ani, chwingi etosoyala louse nde lɛlɛngɔ tototomo nda etumbelo, nde simbi to Inde kowates’ino bato ba lilendelu likɛkɛ.

Nde atokusola aɛ lifaefi, bosamba waɛ wa wali boluwëke elotokela ewa olome, mbo lifaefi lia ngandi yaɛ liyaleke wisakumbo, limɔ Sango waɛ oyatɔɛnɛ wisisa ɛɔlɛsɛkɛ aɛ bondanda.

Taenyelaka la wɛlï mbo otakelaka eya liengani ko mbo bato bɛnɛkɛ ino mbo wende balau, eoka ko ani ot’imɔ wofomo bondanda ende Sango wanu oyayali nda Use.

Atokilak’ino bieka, oyalëke la biɔmbɔ wuno kwa atokelaka ebalimbakeli, eoka batonunakalesa biɔmbɔ yau, mbo bɛnɔmɔkɔ la bato mbo batile yeka. Wewe isoonga lanu mbo basɔɔlɔ bondanda wau fɛɛ. Kongo ko atokilak’ino lɔɔkɔ betö yanu la baningo, soolaka biɔmbɔ yanu, mbo bato bataɛnɛ likili lianu lia bieka, kangä Sango wanu oyayali nda wisakumbo, limɔ Sango wanu oyasɔɛnɛ wisisa Inde ɛɔlɛsɛkɛ ino bondanda.