Popular Bible Verses from Matiu 24

Share

Wi teeria nain sira samo-samora naap oni-ikiwiwkin sira maneka eena mua oko wia kookalowa sira nain iiwawun mesenalinon. Nain wi mua kekanep yo opora baliwep ookimik nain-ke anane eliw ikowa imenikuan.

Ne ikoka Mua Maneka pika kemena-pa ikowa opor eliwa nain miiwa unowa fain pikiwiwkin epa aawinon. Ne iir nain mua unowa sira wiam furewap maikuan, ‘Mua Maneka opora makena-ke.’ Naap ikok miiwa weeserow epa imenarinon.

Aria irakowa feekeriw miimowen ne wi epasia-pa irakowa meta wiar miimowen. Ni nain me keker opaka. Makena, sira nain ikoka owow unowa pun wiar imenarowa-ke. Nain miiwa weeserow epa eewuar ikua.

Owow unowa ikoka wi-wieniw irakikuan ne owow oko saria-ke owow oko irakowa fee-feekeriw arikuan. Miiw unowa weniw maneka imenarinon, ne maa ofofona pun imenaromakinon. Nain yoowa aawow epa onoma wuak nain-ke. Wi emeria muukaru naep sirirowa aawimik naap.

Aapereka miiwa onaiya ikoka mesenalinon, ne yo opora-ke me efar mesenalinon, anane naap ikainon.

Ikoka mua unowa ekapemi yo efa unufami maikuan, ‘Yo Krais-ke,’ naap maemi emeria mua unowa wia peeskimikuan.

Iir nain yo muuta nain nia opap nia samorami nia ifakimikuan. Miiw unowa wi mua unowa nia iririmem-ikaikuan. Iir nain emeria mua unowa yo opora ookam-ikok piipuikuan. Naap onami wi-wieniw wiam fo-fookap wiam siriremi oko-ke iiwua mua kokot wia maakiwkin yo teeria mua wia opap wia samorikuan. Naap wia onikuan. Ne mua unowa wadolalemi i profet-ke wiam maemi mua unowa wia peeskimikuan.

Naeya wia maakek, “Ni maa uru-urufami ikeka, oko wi mua oko-ke ekapep nia peeskimikuan.

Naapeya nis pun naap ikeka, Mua Muuka ekapowa nain urufami ikeka, oko o ewur me ekapinon naem-ikaiwkin ekapemi oram nia soranowap-puinon.

Naapeya ni kema wuepap maa uru-urufami ikeka. Moram niena Maneka ekapow fofa nain ni me wiar amisareman.

Maa imenarowa epa kain-pa imenarowa nain mua me amisaremik. Wi ensel pun me amisaremik ne yo Muuka pun me amisarem. Auwa ona waisow amisarek.

Moram mua unowa wadolalemi yo Krais-ke naikuan. Ne papako-ke wadolalemi yo profet-ke wiam naikuan. Naap maemi mua unowa wia mufemi maa miililina sira-sira imenam-ikaikuan. Naap onami Mua Maneka ona teeria wia nanikap-puak nain pun wia peeskimu naep onikuan.

Aria iiriw ekera Noa ikowa-pa sira onam-ikemik nain ikoka Mua Muuka ekapiya nain pun sira naap akena onam-ikaikuan. Epa nain eka luuma me imenarowa ikaeya wi maa enow maneka onami eka enemi, wiam muewowami naap oni-ikim-ikemik. Naap ikaiwkin Noa aasa maneka urupep kemena ikiwok. Ne aria wi naap momor maneka ikaiwkin eka luuma maneka-ke ekapemi iiwawun wia welawak. Aria wiimar Mua Muuka ekapow fofa-pa sira naap akena imenarinon.