Popular Bible Verses from Yon 10

Share

Wi ikum mua-na maa ikum aawu naep, wia ifakimu naep ne maa samoru naep ekapimik. Ne yos-ke pokow eliwa aawuk naep ekapem, ne pokow eliwa nain naap wiar manekarem-ikainon.

Aria yo sipsip nepiow mua eliwa-ke. Sipsip nepiow mua eliwa-na ona sipsip teeria wia asipami eliw uminon.

Yo yena sipsip anane iwakara efar miimimik. Yo wia paayarem, ne wi yo yookimik.

Yo wia aawemkun anane eliwa ikaikuan, me mesenalikuan. Yo baliwep wia opap ikem ne mua oko-ke yo wapena-pa efar wasirkap aawowa me pepek.

Yo omopora-ke, mua yo efar ekapemi kemena ikiwiya nain eliwa ikainon. Maa enowa akupami eliw orop nainiw urupep iwinon.

Ne yo sipsip nepiow mua eliwa-ke. Yo yena sipsip baliwep wia amisarem, ne wis pun yo efa amisaremik. Sira naap akena, Auwa ona yo efa amisarek, ne yo o amisarem. Ne yo yena sipsip teeria muuta nain eliw uminen.

Yena Auwa eena yo wapena-pa wia wuak nain kekanowa akena-ke, maa unowa os-ke nomakek. Naeya wi mua yena Auwa wapena-pa wiar ikemik nain wia mufep aawowa me pepek. I Auwa ikos epaskun akena ikemik.”

Ne yo sipsip nepiow mua eliwa-ke. Yo yena sipsip baliwep wia amisarem, ne wis pun yo efa amisaremik. Sira naap akena, Auwa ona yo efa amisarek, ne yo o amisarem. Ne yo yena sipsip teeria muuta nain eliw uminen.

Wi mua efa ifakimikuan nain, me wieniw efa ifakimikuan, weetak. Yo yena yame wuami uminen naemkun eliw efa ifakimikuan. Yo eliw uminen, ne yena kekanowa-pa iikirinen. Auwa ona naap one naep kekanowa yiek.” Naap wia maakek.

Naapeya feenap maek, “Yo makena nia maakiyem, yo sipsip pika omopora-ke.

Ne uuwow mua wia sesenariwkin sipsip wia urufomimik nain wia. Naeya siow asia-ke ekapeya urufap sipsip neeke wia piipuap baurarikuan. Ne siow asia-ke sipsip nain wia fa-faemi papako wia ifakiminon.

“Aria yo makena nia maakiyem, mua eena sipsip pika omopora-pa kemena me ikiwowa, pika ara-pa pikinep kemena oriya nain ikum mua-ke, ne mua samora-ke.