Popular Bible Verses from Geneliezh 27

Share

Ra roio Doue dit glizhenn an neñvoù ha druzoni an douar, hag ur fonnder a winizh hag a win! Ra servijo pobloù ac'hanout ha ra stouo broadoù dirazout! Bez mestr da vreudeur ha ra stouo mibien da vamm dirazout! Ra vo milliget piv bennak az milligo, ha ra vo benniget piv bennak az pennigo!

Ezaü a lavaras: Abalamour ma'z eo anvet Jakob, en deus distroadet ac'hanon div wech? Kemeret en deus va henañded, ha setu bremañ e kas gantañ va bennozh. Neuze e lavaras: Ha ne'c'h eus ket miret bennozh ebet evidon?

Izaak e dad a respontas hag a lavaras: Setu, da chomlec'h a vo eus druzoni an douar hag eus glizhenn an neñvoù d'an nec'h. Bevañ a ri eus da gleze ha servijañ a ri da vreur, met c'hoarvezout a raio, evel ma vi redus, ma torri e yev a-zivar c'horre da c'houzoug.

Ezaü a lavaras d'e dad: Ha ne'c'h eus nemet ar vennozh-se, va zad? Bennig ac'hanon ivez, va zad! Ezaü a savas e vouezh hag a ouelas.