If you have would like a copy of this version please contact info@davarpartners.org

Cipangano Cipiya 2015

<div class="version vid888 iso6393ilb" data-vid="888" data-iso6393="ilb">
 <div class="book bkROM">
 <div class="chapter ch12" data-usfm="ROM.12">
 <div class="label">12</div><div class="s">Bumi mu Milimo ya Leza</div><div class="p"> 1Inzho nubakwesu, nkaambo ka luse lwa Leza lunji lunji, ubobo ndamukumbila ati amulipe mibili yenu yoonse kwaamba mube cipaizho cikwete bumi, cisalala, cibotezha Leza. Yezhi njiinzhila iluleme yakukomba Leza. 2Mutailila bukale bwa bantu bakunze, pele Leza asandule mizeezo yenu. Ndilelyo nimukonzha kuzhiba luzando lwa Leza, ngoonaawo mulazhiba shibotu, ushabulondo, ushimubotezha Leza.</div><div class="p"> 3Nkaambo kwiitila munsana nshaakampa Leza mu luse lwakwe, ndamwaambila ati mutalyeensheensha kubaala mbumubele pe. Kwaambisha nkwakuti amuliceshe ukulifwiinsha mu matelaishi kwiingainya umbumubele. Kweendelezhanya u lushomo lolo Leza ndwaapa muntu umwi umwi. 4#1 Bako 12:12Nkaambo mbukuli mubili womwi, ulikwete shizo shinji shinji, ubobo shizo shesho shilikwete milimo yaandeene-andeene. 5Umbona bobo aswe tubashikushoma, nikuba ati tuli banji banji, ubobo tuli mubili womwi mwa Kilisito Jeso. Ubobo tuliswaangene mbuli shizo sha mubili womwi. 6#1 Bako 12:4-11Tulikwete shipo shishiyene shiyene kwiingaina u luse ndwaakatupa Leza. Na cipo cesu ncabushinshimi, atucisebezhe kwiingainya u lushomo lwesu. 7Na ncabusebezhi, atusebezhe. Na ncabwiiyi, atuyiishe. 8Na ncakuzumyazumya bamwi, atubazumye zumye. Wezo uupa, naape u monzo womwi. Wezo aze musolozhi, naasololele ca bunkutwe. Aze wezo ufwa luse, naacite bobo ucakubotelwa.</div><div class="s">Lufwuno</div><div class="p"> 9Lufwuno lwenu lutabi bulyo lwakuupaupa amenso. Sula cibi, kakatila cibotu. 10Amufwunane cini cini ukoya bantu babunina mu lushomo. Kamubaalana kutondezha bulemu. 11Mukusebezela Mwami, mucite mulutangalo, mutabi bakata pe. 12Amubotelwe mukulanjila kwenu. Kamukwata shamba shenu ciindi ipenzhi lyamushikila. Amuzume kukomba lyoonse. 13Amwaabane shakuyohwa banamusalazhi nokwenu, ubabo bayina nshibakwete, ulimwi amutambule beenzu u matashi obile.</div><div class="p"> 14 # 
 Mat 5:44; Lk 6:28 Amuleleke babo bamupenzha. Ee, amucite bobo, mutaakushinganya. 15Amubotelwe u babo babotelwe, amulile u babo balila. 16#Tush 3:7Amuteelezhanye ciindi coonse. Mutalisumpula, pele amuteelezhanye ubantu bulyo. Mutatelaici ati muli basongo.</div><div class="p"> 17Na muntu wamucitila cibiyabi, mutamubweezhezha. Amucite shibotu kubantu kumenso aabantu boonse. 18Na cilakonzheka, amusoleke kukala muluumuno u bantu boonse. 19#Ciz 32:35Nubafwunwa, mutazhola cibi ku muntu, mumuleke bulyo, nkaambo ulakamupa Leza mwini cisubulo mubukali bwakwe. Kayi Malembe alaamba ati, &#8220;Amubaleke ndime iimpa cisubulo, ndakabasubula.&#8221; Mbwaamba Mwami Leza. 20#Tush 25:21, 22Mbukuli bobo, amucite umbona mbuli Malembe mbwaamba, &#8220;Na kuti shinkondonoko wafwa inzala, mupe cakulya. Na wafwa inyota, mupe meenzhi akunwa. Nkaambo wacita bobo, ati walundika makala amutwi wakwe.&#8221; 21Mutazundwa ku shibi pe, pele amuzunde shibi u kucita shibotu.</div>
 </div>
 </div>
</div>

Ila New Testament © Bible Society of Zambia, 2015.

Inzho nubakwesu, nkaambo ka luse lwa Leza lunji lunji, ubobo ndamukumbila ati amulipe mibili yenu yoonse kwaamba mube cipaizho cikwete bumi, cisalala, cibotezha Leza. Yezhi njiinzhila iluleme yakukomba Leza. Mutailila bukale bwa bantu bakunze, pele Leza asandule mizeezo yenu. Ndilelyo nimukonzha kuzhiba luzando lwa Leza, ngoonaawo mulazhiba shibotu, ushabulondo, ushimubotezha Leza.
Nkaambo kwiitila munsana nshaakampa Leza mu luse lwakwe, ndamwaambila ati mutalyeensheensha kubaala mbumubele pe. Kwaambisha nkwakuti amuliceshe ukulifwiinsha mu matelaishi kwiingainya umbumubele. Kweendelezhanya u lushomo lolo Leza ndwaapa muntu umwi umwi. Nkaambo mbukuli mubili womwi, ulikwete shizo shinji shinji, ubobo shizo shesho shilikwete milimo yaandeene-andeene. Umbona bobo aswe tubashikushoma, nikuba ati tuli banji banji, ubobo tuli mubili womwi mwa Kilisito Jeso. Ubobo tuliswaangene mbuli shizo sha mubili womwi. Tulikwete shipo shishiyene shiyene kwiingaina u luse ndwaakatupa Leza. Na cipo cesu ncabushinshimi, atucisebezhe kwiingainya u lushomo lwesu. Na ncabusebezhi, atusebezhe. Na ncabwiiyi, atuyiishe. Na ncakuzumyazumya bamwi, atubazumye zumye. Wezo uupa, naape u monzo womwi. Wezo aze musolozhi, naasololele ca bunkutwe. Aze wezo ufwa luse, naacite bobo ucakubotelwa.

Lufwuno lwenu lutabi bulyo lwakuupaupa amenso. Sula cibi, kakatila cibotu. Amufwunane cini cini ukoya bantu babunina mu lushomo. Kamubaalana kutondezha bulemu. Mukusebezela Mwami, mucite mulutangalo, mutabi bakata pe. Amubotelwe mukulanjila kwenu. Kamukwata shamba shenu ciindi ipenzhi lyamushikila. Amuzume kukomba lyoonse. Amwaabane shakuyohwa banamusalazhi nokwenu, ubabo bayina nshibakwete, ulimwi amutambule beenzu u matashi obile.
Amuleleke babo bamupenzha. Ee, amucite bobo, mutaakushinganya. Amubotelwe u babo babotelwe, amulile u babo balila. Amuteelezhanye ciindi coonse. Mutalisumpula, pele amuteelezhanye ubantu bulyo. Mutatelaici ati muli basongo.
Na muntu wamucitila cibiyabi, mutamubweezhezha. Amucite shibotu kubantu kumenso aabantu boonse. Na cilakonzheka, amusoleke kukala muluumuno u bantu boonse. Nubafwunwa, mutazhola cibi ku muntu, mumuleke bulyo, nkaambo ulakamupa Leza mwini cisubulo mubukali bwakwe. Kayi Malembe alaamba ati, “Amubaleke ndime iimpa cisubulo, ndakabasubula.” Mbwaamba Mwami Leza. Mbukuli bobo, amucite umbona mbuli Malembe mbwaamba, “Na kuti shinkondonoko wafwa inzala, mupe cakulya. Na wafwa inyota, mupe meenzhi akunwa. Nkaambo wacita bobo, ati walundika makala amutwi wakwe.” Mutazundwa ku shibi pe, pele amuzunde shibi u kucita shibotu.

Listen to Baloma 12