Zapoteco, Sierra Juarez - 1970 Edition (Drama - NT)

<div class="version vid852 iso6393zaa" data-vid="852" data-iso6393="zaa">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="p"> 1Guteli bani Se&#241;or qui'ni ca faris&#233;ua nna chi bina c&#261; qui'ni l&#232;e nna adila i&#7929;&#233; ca disc&#237;pulo qu&#236;'e chi n&#225; &#261;'hua adila ca enne' runie bautizar t&#236;'chula Ju&#225;an, 2m&#224;squi'ba &#225;lahua Jes&#250;s t&#232; beni bautizar, sino ca disc&#237;pulo qui'&#225;a b&#225;. 3De uccue saber nui nna, acca beria t&#236;e le' regi&#243;n qui' Judea nna hu&#237;e attu vuelta para Galilea. 4Para ets&#236;ne'e n&#237;a nna uccua duel&#183;la' tt&#237;&#232;e n&#233;da nu d&#237;a para Samaria. 5Bitsina' t&#236;e le' ttu yetsi to' l&#225;&#261; Sicar le' regi&#243;n qui' Samaria, ru'a loyu qui' t&#224;' Jacob nu beda' latsi' bi bete bi qui' &#7929;i'ni bi Jos&#233; enne' g&#249;dua tiempo antigua. 6N&#237;a nna re' ttu pozo inda nu gul&#232;qquia ta' Jacob. Jes&#250;s nna de t&#225;ntua rey&#224;tsanie yu'&#233;e n&#233;da nna, acca gure' ten&#237;e bedi' latsi'e ru'a p&#243;zua. Tt&#250; ts&#236;'nu hora ti'g&#225; nu&#225;. 7L&#224;niana bitsina' ttu niula enne' Samaria d&#237;&#261; gu&#7929;i' inda ru'a p&#243;zua. Jes&#250;s nna ra t&#236;e na: Benna t&#237;' inda i'ya'. 8Ca disc&#237;pulo qui'&#225;a nna d&#237;a cabi le' y&#233;tsi&#225; hu&#236;'i nu go cabi. 9Niula samarit&#225;na&#225; nna r&#261; ne: Ti'ani modo acca rin&#224;bani lu' inte' inda, y&#224;'ni qui'ni n&#225; lu' enne' jud&#237;o, inte' nna niula samaritana n&#236;'i. An&#237;a ra niul&#225;a porqui'ni ca enne' jud&#237;o nna canu samaritano nna lab&#237; cca guyu luetsi qu&#303;. 10Bec&#224;bi Jes&#250;s nna r&#232;e na: C&#225;al&#225; nabia' ts&#224;n&#236; lu' nu &#7929;&#225; r&#250;nna ba Tata Dios &#261;'hua nu&#7929;a &#232;nni'&#303; nua' r&#232;e lu': B&#232;nna t&#237;' inda i'ya'; pues lu' l&#225; in&#224;bani lu' e inda, l&#232;e nna g&#250;nn&#233;e inda b&#224;ni teg&#225;n&#237; qui' lu'. 11Niul&#225;a nna ra t&#236;&#261; ne: Se&#241;or, lab&#237; bi&#7929;a d&#232;ni lu' para cueqquia lu' ind&#303;, &#261;'hua pozu&#303; nna it&#233;ttia ts&#232;' ri'&#261;. Gala taxi' lu' inda b&#224;ni para gunna lu' quia' c&#225;. 12Ts&#237; &#237;na ri'u adila enne' &#7929;eni n&#225; lu' t&#236;'chula ta' t&#224;ta qui' tu' Jacob enne' gul&#232;qquia pozu&#303; nna beth&#224;'na bi &#261; lani intu' c&#225;. N&#236; b&#225; g&#249;'ya bi inda, &#261;'hua ca &#7929;i'ni bi nna ca g&#249;'na bia' qui' bi nna. 13Bec&#224;bi Jes&#250;s nna r&#232;e na: Nu&#7929;a t&#232;diba &#237;'y&#261; inda nu da' le' pozu&#303; nna, ib&#236;tsi b&#261;&#769; attu, 14pero nu &#237;'y&#261; inda nu gut&#237;a' qu&#236;'&#303; nna, para siempre labiru ib&#236;tsi&#261;; sino qui'ni inda gut&#237;a' qu&#236;'&#303; nna cc&#225; l&#261;&#769; lo l&#242;stu'&#303; t&#236;'a ru'a ttu chorro l&#224;ti ril&#183;lani t&#236;'t&#236;ni inda para la'lab&#224;ni nu lab&#237; tt&#237;&#261; qu&#236;'&#303;. 15Niul&#225;a nna ra t&#236;&#261; ne: Se&#241;or, benna cui&#261;'lu' ind&#261;' quia', para qui'ni b&#237;tt&#250;ru ib&#236;tsia' n&#236;hua l&#224;a &#236;ta r&#249;a' n&#236; gu&#7929;i' inda nna. 16Jes&#250;s nna r&#232;e na: Beyya tal&#183;lu&#237;tsa' ts&#232;la lu'a nna, &#236;ta t&#232; lu' n&#236; gunna' ind&#303; qui' le. 17Bec&#224;bi niul&#225;a nna r&#261;: Lan&#250; ts&#232;l&#224;a' t&#233;. Jes&#250;s nna ra t&#236;e na: Hualibani lu' lan&#250; ts&#232;la lu' t&#233;. 18Porqui'ni gayu' ts&#232;la lu' chi guts&#233;'e, pero nu dual&#224;ni lu' annana lab&#237; n&#261;&#769; ts&#232;la lu', acca hualibani lu' nu ra lu'. 19Niul&#225;a nna ra t&#236;&#261; ne: Se&#241;or, t&#236;' cca te' nna n&#225; cui&#261;'lu' enne' rinne parte Tata Dios. 20Ca ta' t&#224;ta qui' tu'a nna beni cabi adorar Tata Dios lo i'ya dua n&#236;, pero lebi'&#303; nna rena le qui'ni le' Jerusal&#233;n teruba n&#225; qui'ni ts&#237;a ca enne' hu&#232;ni e adorar. 21Jes&#250;s nna ra t&#236;e na: Niula, hu&#237;alatsi' lu' quia', qui'ni hu&#224;l&#183;lani ts&#225; canchu chi n&#236;hua lo &#237;'y&#303; n&#236;hua le' Jerusal&#233;n nna guni le Tata Dios adorar. 22Lebi'i ca enne' samaritano nna yala adorar runi le, pero lab&#237; nabia'ni le Tata Dios. Intu' ca enne' de raza jud&#237;o nna runi tu' e adorar nna nabia'ni tu' e porqui'ni enne' gunna salvaci&#243;n nna d&#233;'e entre ca enne' jud&#237;o. 23Pero hu&#224;l&#183;lani ts&#225; nna, &#261;'hua chi g&#249;l&#183;la' hora qui'ni canu hualigani calatsi' qu&#303; guni c&#261; Tata Dios adorar, pues guni c&#261; ne adorar lani itute esp&#237;ritu qui' qu&#303; nna de acuerdo ba lani nu n&#225; l&#237; nna. Porqui'ni Tata Dios nna rey&#236;l&#233;e ca enne' luetsi ca nua' para guni c&#261; ne adorar. 24Dios nna lab&#237; n&#233;e bi&#7929;a cosa material qui' y&#233;tsiloyu&#303;; acca canu calatsi' qu&#303; guni c&#261; ne adorar nna, n&#225; qui'ni guni c&#261; ne adorar lani esp&#237;ritu qui' qu&#303; nna de acuerdo ba lani nu n&#225; l&#237;. 25Niul&#225;a nna r&#261; ne: Y&#250;&#225;' qui'ni hu&#224;l&#183;lani Cristo enne' rib&#232;da tu' qui'ni it&#233;e para gudil&#232;e intu', canchu chi &#237;l&#183;lanie nna quix&#225;'anie intu' claru ta&#225; iy&#225;bani ca cosa. 26Jes&#250;s nna ra t&#236;e na: Inte' Cristo rui'a' lani lu' titsa'. 27L&#224;niana betsina' t&#232; ca disc&#237;pulo qui'&#225;a nna uccua&#7929;&#237; b&#225; latsi' cabi qui'ni rui'e titsa' lani ttu niula samaritana. Atsi'&#237;ni ni tt&#250; cabi lab&#237; bey&#225;&#7929;ani cabi in&#224;ba titsa' cabi e &#237;na cabi: Biani nua' calatsi' niul&#261;', o biani titsa' n&#237; nua' rue' cui&#261;'lu' lani &#261;. 28L&#224;niana beth&#224;'na niul&#225;a r&#233;'&#232; qui' ni&#225; nna deyy&#261; le' y&#233;tsi&#225; taquix&#225;'ani&#261; ca enne' nna r&#261; c&#261;: 29L&#237;ta&#225;ruhu&#225; inna' le ttu &#232;nne'yu' chi r&#232;e inte' iyaba nu chi benia'. Xiaba canchu l&#232;e &#232;nni'&#261;' Cristua enne' rib&#232;da ri'u. 30Ca &#232;nni'a nna biria t&#232; c&#261; le' y&#233;tsi&#225; nna g&#249;dulo c&#261; hu&#237;a c&#261; l&#224;ti du Jes&#250;s. 31Pero mi&#233;ntraste nna ca disc&#237;pulo qui'&#225;a nna gutta'y&#250;ni cabi e nna ra cabi e: Maestro, gut&#242; t&#237;' cui&#261;'lu'. 32L&#232;e nna r&#232;e cabi: T&#233; b&#225; ttu la'g&#242; quia' g&#250;&#225;'; lebi'i nna lab&#237; y&#249; le bi&#7929;a nua'. 33L&#224;niana ca disc&#237;pulu&#225; nna ra luetsi cabi: Tsi al&#224;a nu&#7929;a chi tahua' nu g&#250;e. 34Jes&#250;s nna r&#232;e cabi: La'g&#242; quia' nna n&#261;&#769; qui'ni guni ba' voluntad qui' enne' guth&#232;l&#183;le'e inte' nna gul&#183;l&#250;&#7929;a'a' nu r&#232;e gunia' nna. 35Ts&#237; &#225;lahua rena le qui'ni hua rey&#224;tsa&#225;ru at&#224;ppa bi&#250;' para e&#7929;u' lena' c&#225;. Pero inte' nna nia' le: Linna'&#225;ruhu&#225; qui'ni chi da' attu cosecha huaya', chi n&#261;&#769; listo para e&#7929;&#249;'&#261;. 36Enne' y&#249;'u tsina huet&#249;ppa cosecha nna ridi' hu&#225; la&#7929;a bi lena', pero lena' nu rut&#249;ppa b&#237;a nna n&#225; l&#261;&#769; para la'lab&#224;ni tulid&#224;ni, para qui'ni enne' rada nna edacca' hu&#225;ni bi t&#236;'ba enne' redi' cos&#233;cha&#225;. 37An&#237;a nna cca cumplir ttu dicho ra: Ttu enne' huaya' rada, pero attu enne' huaya' rut&#249;ppa lena'. 38Inte' nna chi guth&#233;l&#183;la'a' le para &#233;di' le cosecha l&#224;ti &#225;lahua lebi'i g&#249;da, sino ca enne' huaya' ba beni tsina; lebi'i nna bitsina' t&#232; le huet&#249;ppa cosecha.</div><div class="p"> 39I&#7929;etse' ca enne' le' yetsi Samaria hu&#237;alatsi' qu&#303; qui'ni Jes&#250;s &#232;nni'&#261;' Cristua por ca titsa' qui' niul&#225;a, porqui'ni beti&#261; testimonio nna r&#261;: Chi gutixa'&#225;nie inte' iyaba nu chi benia'. 40Bitsina' t&#232; ca enne' Samaria ru'a l&#250;e nna gutta'y&#250;ni c&#261; ne qui'ni cu&#233;d&#233;e tuch&#249;ppa ubitsa lani c&#261;. Acca gul&#232;da t&#236;e n&#237;a chuppa ubitsa. 41Nu&#7929;&#233;tse'&#233;ru ca enne' hu&#237;alatsi' qu&#303; de rud&#224; naga' qu&#303; qu&#236;'e. 42L&#224;niana ra t&#232; c&#261; niul&#225;a: Annana chi r&#237;alatsi' tu', &#225;la&#225;rul&#225; por ca titsa' nu chi ra lu' intu', sino porqui'ni la'a m&#237;smubani intu' nna chi biy&#233;nini tu' titsa' qu&#236;'e nna chi y&#249; tu' qui'ni &#232;nni'&#303; nna hualigani n&#233;e Cristo Salvador qui' itute y&#233;tsiloyu.</div><div class="p"> 43Gut&#232; d&#237;b&#225; chuppa ubitsa nna beria Jes&#250;s n&#237;a nna hu&#237;e Galilea, pero al&#224;a hasta l&#225;tsie Nazaret, 44porqui'ni la'a lab&#233;e nna gutix&#232;'e qui'ni lab&#237; ruyu ts&#232;' ca enne' ttu profeta nu l&#225;tsi qu&#303;. 45Bitsina' b&#233;e Galilea nna, ca enne' galil&#233;ua nna ts&#232;'ba beni c&#261; ne recibir porqui'ni chi bila'ni c&#261; iyaba nu benie le' Jerusal&#233;n loti' g&#249;l&#183;la' fi&#233;sta&#225;, porqui'ni hu&#237;a hu&#225; c&#261; n&#237;a l&#224;nia. 46L&#224;niana hu&#237;a Jes&#250;s attu vuelta yetsi Can&#225; le' regi&#243;n qui' Galilea l&#224;ti benie qui'ni inda&#225; nna uccu&#261; vino. Le' yetsi Capernaum nna g&#249;dua ttu nubeyu' uccu&#261; capit&#225;n le' palacio qui' rey. Nu n&#225; capit&#225;an nna g&#249;dua ttu &#7929;i'ni beyu'&#303; yala fuerte hu&#236;'ni&#261;. 47Bina b&#261;&#769; qui'ni Jes&#250;s nna bitsine'e Galilea d&#233;'e Jud&#233;a l&#225; nna, acca hu&#237;a t&#236;&#261; ru'a l&#250;e nna gutta'y&#250;ni&#261; ne qui'ni ts&#237;e ey&#250;ninie &#7929;i'ni ni&#225;, porqui'ni lo l&#249;'uti ta&#225; chi ti&#261;. 48L&#224;niana ra t&#232; Jes&#250;s na: Canchu bihua il&#225;'ni le ca milagro o bi&#7929;a prueba de la'huacca nu dacca' iqu&#237;la'n&#237; latsi' le nna, entonces bihua ts&#237;alatsi' le. 49Bec&#224;bi nu n&#225; capit&#225;an nna r&#261; ne: Se&#241;or, gut&#224; x&#236;a b&#225;l&#183;la cui&#261;'lu' &#225;ntesca gatti &#7929;&#236;'ni ya'a. 50Jes&#250;s nna r&#232;e na: Beyya ba, &#7929;i'ni to' qui' lu'a nna huaccab&#224;ni b&#261;&#769;. Nubeyu'a nna hu&#237;a t&#224;a latsi'&#303; titsa' nu ra Jes&#250;s na, deyya t&#236;&#261;. 51N&#233;da ba deyu'&#261;&#769; nna, tattsa' ca mozo qui' ni&#225; na nna bete c&#261; noticia ts&#232;' lani &#261; nna ra c&#261;: &#7928;i'ni cu&#237;&#261;'lu'a nna chi beyacca latsi'&#303;. 52Gun&#224;ba titsa' ta&#261;&#769; c&#261; bi&#7929;a hora g&#249;dulo beyacca latsi'&#303;. Ra t&#232; c&#261; na: Rit&#303; ttu t&#236;'ga n&#224;ya&#225; nna beri&#261; &#7929;&#236;l&#183;l&#225;a. 53L&#224;niana gutel&#237;ni t&#224;ta qui' nubeyu' cu&#236;ti' r&#224;'nia qui'ni m&#233;ru&#225;n&#237; h&#243;ra&#225; nu&#225; ra Jes&#250;s na: &#7928;i'ni to' qui' lu'a nna b&#224;ni b&#261;&#769;. L&#224;niana adila hu&#237;alatsi'&#303; Jes&#250;s, &#261;'hua iyaba canu ts&#232;'e le' litsi'&#303; nna hu&#237;a hu&#225; latsi' qu&#303; qui'ni n&#233;e Cristo. 54Mil&#225;gru&#303; nna beni Jes&#250;s loti' gude'e le' regi&#243;n l&#225;&#261; Judea nna hu&#237;e para Galilea. Nui nna uccua chuppa prueba nu benie nna belue'n&#237; qui'ni t&#233; la'huacca qu&#236;'e de &#7929;iabara'.</div>
 </div>
 </div>
</div>

Guteli bani Señor qui'ni ca fariséua nna chi bina cą qui'ni lèe nna adila iỹé ca discípulo quì'e chi ná ą'hua adila ca enne' runie bautizar tì'chula Juáan, màsqui'ba álahua Jesús tè beni bautizar, sino ca discípulo qui'áa bá. De uccue saber nui nna, acca beria tìe le' región qui' Judea nna huíe attu vuelta para Galilea. Para etsìne'e nía nna uccua duel·la' ttíèe néda nu día para Samaria. Bitsina' tìe le' ttu yetsi to' láą Sicar le' región qui' Samaria, ru'a loyu qui' tà' Jacob nu beda' latsi' bi bete bi qui' ỹi'ni bi José enne' gùdua tiempo antigua. Nía nna re' ttu pozo inda nu gulèqquia ta' Jacob. Jesús nna de tántua reyàtsanie yu'ée néda nna, acca gure' teníe bedi' latsi'e ru'a pózua. Ttú tsì'nu hora ti'gá nuá. Làniana bitsina' ttu niula enne' Samaria díą guỹi' inda ru'a pózua. Jesús nna ra tìe na: Benna tí' inda i'ya'. Ca discípulo qui'áa nna día cabi le' yétsiá huì'i nu go cabi. Niula samaritánaá nna rą ne: Ti'ani modo acca rinàbani lu' inte' inda, yà'ni qui'ni ná lu' enne' judío, inte' nna niula samaritana nì'i. Anía ra niuláa porqui'ni ca enne' judío nna canu samaritano nna labí cca guyu luetsi quį. Becàbi Jesús nna rèe na: Cáalá nabia' tsànì lu' nu ỹá rúnna ba Tata Dios ą'hua nuỹa ènni'į nua' rèe lu': Bènna tí' inda i'ya'; pues lu' lá inàbani lu' e inda, lèe nna gúnnée inda bàni tegání qui' lu'. Niuláa nna ra tìą ne: Señor, labí biỹa dèni lu' para cueqquia lu' indį, ą'hua pozuį nna itéttia tsè' ri'ą. Gala taxi' lu' inda bàni para gunna lu' quia' cá. Tsí ína ri'u adila enne' ỹeni ná lu' tì'chula ta' tàta qui' tu' Jacob enne' gulèqquia pozuį nna bethà'na bi ą lani intu' cá. Nì bá gù'ya bi inda, ą'hua ca ỹi'ni bi nna ca gù'na bia' qui' bi nna. Becàbi Jesús nna rèe na: Nuỹa tèdiba í'yą inda nu da' le' pozuį nna, ibìtsi bą́ attu, pero nu í'yą inda nu gutía' quì'į nna, para siempre labiru ibìtsią; sino qui'ni inda gutía' quì'į nna ccá lą́ lo lòstu'į tì'a ru'a ttu chorro làti ril·lani tì'tìni inda para la'labàni nu labí ttíą quì'į. Niuláa nna ra tìą ne: Señor, benna cuią'lu' indą' quia', para qui'ni bíttúru ibìtsia' nìhua làa ìta rùa' nì guỹi' inda nna. Jesús nna rèe na: Beyya tal·luítsa' tsèla lu'a nna, ìta tè lu' nì gunna' indį qui' le. Becàbi niuláa nna rą: Lanú tsèlàa' té. Jesús nna ra tìe na: Hualibani lu' lanú tsèla lu' té. Porqui'ni gayu' tsèla lu' chi gutsé'e, pero nu dualàni lu' annana labí ną́ tsèla lu', acca hualibani lu' nu ra lu'. Niuláa nna ra tìą ne: Señor, tì' cca te' nna ná cuią'lu' enne' rinne parte Tata Dios. Ca ta' tàta qui' tu'a nna beni cabi adorar Tata Dios lo i'ya dua nì, pero lebi'į nna rena le qui'ni le' Jerusalén teruba ná qui'ni tsía ca enne' huèni e adorar. Jesús nna ra tìe na: Niula, huíalatsi' lu' quia', qui'ni huàl·lani tsá canchu chi nìhua lo í'yį nìhua le' Jerusalén nna guni le Tata Dios adorar. Lebi'i ca enne' samaritano nna yala adorar runi le, pero labí nabia'ni le Tata Dios. Intu' ca enne' de raza judío nna runi tu' e adorar nna nabia'ni tu' e porqui'ni enne' gunna salvación nna dé'e entre ca enne' judío. Pero huàl·lani tsá nna, ą'hua chi gùl·la' hora qui'ni canu hualigani calatsi' quį guni cą Tata Dios adorar, pues guni cą ne adorar lani itute espíritu qui' quį nna de acuerdo ba lani nu ná lí nna. Porqui'ni Tata Dios nna reyìlée ca enne' luetsi ca nua' para guni cą ne adorar. Dios nna labí née biỹa cosa material qui' yétsiloyuį; acca canu calatsi' quį guni cą ne adorar nna, ná qui'ni guni cą ne adorar lani espíritu qui' quį nna de acuerdo ba lani nu ná lí. Niuláa nna rą ne: Yúá' qui'ni huàl·lani Cristo enne' ribèda tu' qui'ni itée para gudilèe intu', canchu chi íl·lanie nna quixá'anie intu' claru taá iyábani ca cosa. Jesús nna ra tìe na: Inte' Cristo rui'a' lani lu' titsa'. Làniana betsina' tè ca discípulo qui'áa nna uccuaỹí bá latsi' cabi qui'ni rui'e titsa' lani ttu niula samaritana. Atsi'íni ni ttú cabi labí beyáỹani cabi inàba titsa' cabi e ína cabi: Biani nua' calatsi' niulą', o biani titsa' ní nua' rue' cuią'lu' lani ą. Làniana bethà'na niuláa ré'è qui' niá nna deyyą le' yétsiá taquixá'anią ca enne' nna rą cą: Lítaáruhuá inna' le ttu ènne'yu' chi rèe inte' iyaba nu chi benia'. Xiaba canchu lèe ènni'ą' Cristua enne' ribèda ri'u. Ca ènni'a nna biria tè cą le' yétsiá nna gùdulo cą huía cą làti du Jesús. Pero miéntraste nna ca discípulo qui'áa nna gutta'yúni cabi e nna ra cabi e: Maestro, gutò tí' cuią'lu'. Lèe nna rèe cabi: Té bá ttu la'gò quia' gúá'; lebi'i nna labí yù le biỹa nua'. Làniana ca discípuluá nna ra luetsi cabi: Tsi alàa nuỹa chi tahua' nu gúe. Jesús nna rèe cabi: La'gò quia' nna ną́ qui'ni guni ba' voluntad qui' enne' guthèl·le'e inte' nna gul·lúỹa'a' nu rèe gunia' nna. Tsí álahua rena le qui'ni hua reyàtsaáru atàppa biú' para eỹu' lena' cá. Pero inte' nna nia' le: Linna'áruhuá qui'ni chi da' attu cosecha huaya', chi ną́ listo para eỹù'ą. Enne' yù'u tsina huetùppa cosecha nna ridi' huá laỹa bi lena', pero lena' nu rutùppa bía nna ná lą́ para la'labàni tulidàni, para qui'ni enne' rada nna edacca' huáni bi tì'ba enne' redi' coséchaá. Anía nna cca cumplir ttu dicho ra: Ttu enne' huaya' rada, pero attu enne' huaya' rutùppa lena'. Inte' nna chi guthél·la'a' le para édi' le cosecha làti álahua lebi'i gùda, sino ca enne' huaya' ba beni tsina; lebi'i nna bitsina' tè le huetùppa cosecha.
Iỹetse' ca enne' le' yetsi Samaria huíalatsi' quį qui'ni Jesús ènni'ą' Cristua por ca titsa' qui' niuláa, porqui'ni betią testimonio nna rą: Chi gutixa'ánie inte' iyaba nu chi benia'. Bitsina' tè ca enne' Samaria ru'a lúe nna gutta'yúni cą ne qui'ni cuédée tuchùppa ubitsa lani cą. Acca gulèda tìe nía chuppa ubitsa. Nuỹétse'éru ca enne' huíalatsi' quį de rudà naga' quį quì'e. Làniana ra tè cą niuláa: Annana chi ríalatsi' tu', álaárulá por ca titsa' nu chi ra lu' intu', sino porqui'ni la'a mísmubani intu' nna chi biyénini tu' titsa' quì'e nna chi yù tu' qui'ni ènni'į nna hualigani née Cristo Salvador qui' itute yétsiloyu.
Gutè díbá chuppa ubitsa nna beria Jesús nía nna huíe Galilea, pero alàa hasta látsie Nazaret, porqui'ni la'a labée nna gutixè'e qui'ni labí ruyu tsè' ca enne' ttu profeta nu látsi quį. Bitsina' bée Galilea nna, ca enne' galiléua nna tsè'ba beni cą ne recibir porqui'ni chi bila'ni cą iyaba nu benie le' Jerusalén loti' gùl·la' fiéstaá, porqui'ni huía huá cą nía lània. Làniana huía Jesús attu vuelta yetsi Caná le' región qui' Galilea làti benie qui'ni indaá nna uccuą vino. Le' yetsi Capernaum nna gùdua ttu nubeyu' uccuą capitán le' palacio qui' rey. Nu ná capitáan nna gùdua ttu ỹi'ni beyu'į yala fuerte huì'nią. Bina bą́ qui'ni Jesús nna bitsine'e Galilea dé'e Judéa lá nna, acca huía tìą ru'a lúe nna gutta'yúnią ne qui'ni tsíe eyúninie ỹi'ni niá, porqui'ni lo lù'uti taá chi tią. Làniana ra tè Jesús na: Canchu bihua ilá'ni le ca milagro o biỹa prueba de la'huacca nu dacca' iquíla'ní latsi' le nna, entonces bihua tsíalatsi' le. Becàbi nu ná capitáan nna rą ne: Señor, gutà xìa bál·la cuią'lu' ántesca gatti ỹì'ni ya'a. Jesús nna rèe na: Beyya ba, ỹi'ni to' qui' lu'a nna huaccabàni bą́. Nubeyu'a nna huía tàa latsi'į titsa' nu ra Jesús na, deyya tìą. Néda ba deyu'ą́ nna, tattsa' ca mozo qui' niá na nna bete cą noticia tsè' lani ą nna ra cą: Ỹi'ni cuíą'lu'a nna chi beyacca latsi'į. Gunàba titsa' taą́ cą biỹa hora gùdulo beyacca latsi'į. Ra tè cą na: Ritį ttu tì'ga nàyaá nna berią ỹìl·láa. Làniana gutelíni tàta qui' nubeyu' cuìti' rà'nia qui'ni méruání hóraá nuá ra Jesús na: Ỹi'ni to' qui' lu'a nna bàni bą́. Làniana adila huíalatsi'į Jesús, ą'hua iyaba canu tsè'e le' litsi'į nna huía huá latsi' quį qui'ni née Cristo. Milágruį nna beni Jesús loti' gude'e le' región láą Judea nna huíe para Galilea. Nui nna uccua chuppa prueba nu benie nna belue'ní qui'ni té la'huacca quì'e de ỹiabara'.

Listen to SAN JUAN 4